Budyska Ludowa banka wostanje regionalnje wusměrjena
Budyšin (SN/JK). Tak połna kaž wčera wječor je wulka žurla Budyskeho Němsko-Serbskeho ludoweho dźiwadła jenož na premjernych inscenacijach abo na jara wuspěšnych předstajenjach.
Poćah k wuspěšnej inscenaciji tež 22. rjadna zastupjerska zhromadźizna Ludoweje banki Budyšin měješe, jako bilancowachu zastupjerjo čłonow drustwoweje banki zhromadnje z předsydstwom a dohladowanskej radu banki financne hospodarstwo a wuslědk lěta 2014.
Po witanju přez předsydu dohladowanskeje rady Reinhardta Schleinitza zhladowachu přitomni na wjerški a wurjadne podawki minjeneho lěta w politice, hospodarstwje, towaršnosći a sporće.