Po wuhlu zaso žito rosće

srjeda, 17. junija 2015
artikl hódnoćić
(0 )
Na wozrodźenej płoninje Klěšnika (Wolkenberg) wot lěta 2010 wuspěšnje wino plahuja. Winica w Ranju (Großräschen) blisko tak mjenowanych IBA-terasow nasta w zhromadnym dźěle z Braniborskej uniwersitu Zły Komorow-Choćebuz. Na šěsć hektarach plahuja tam wino družin běły a šěry burgundski.  Foto: J. Schmidtchen Na wozrodźenej płoninje Klěšnika (Wolkenberg) wot lěta 2010 wuspěšnje wino plahuja. Winica w Ranju (Großräschen) blisko tak mjenowanych IBA-terasow nasta w zhromadnym dźěle z Braniborskej uniwersitu Zły Komorow-Choćebuz. Na šěsć hektarach plahuja tam wino družin běły a šěry burgundski. Foto: J. Schmidtchen

Na płoninach, přez lětstotki wot hórnistwa wužiwanych, je móžno, w zhromadnym napinanju ratarjow a wědomostnikow zaso ratarsce wuspěšnje hospodarić. Fachowcy su překwapjeni.

Wot brunicoweho nasypnišća k płódnej roli, to bě tema njedawneho pólneho dnja koncerna Vattenfall na kromje Wjelčanskeje jamy.

Přez lětstotki hižo bjeru so łužiskim ratarjam a buram płódne pola wudobywanja brunicy dla. Na něhdyšich nasypnišćach pak w zhromadnym dźěle ratarjow, wědomostnikow a hórnikow zaso wužiwajomne ratarske płoniny nastawaju. Dźensniše wědomostne dopóznaća złožuja so na slědźenja, sahace hač do 60tych lět minjeneho lětstotka. Při tajkej płoninje na kromje Wjelčanskeje jamy zetkachu so nětko ratarjo, politikarjo, wědomostnicy a hórnicy k pólnemu dnjej, zo bychu sej nazhonjenja wuměnjeli. W srjedźišću zajima stejachu tajke ze sydomlětneho płodoslěda, złoženeho na wědomostne poručenja a ratarske nazhonjenja z wjele lubjacymi wuslědkami.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND