Što wšo po kupnicach wozymy?

štwórtk, 08. septembera 2016
artikl hódnoćić
(0 )
Su přimadła nakupowanskich wozyčkow w kupnicach woprawdźe čiste? Foto: Jan Kral Su přimadła nakupowanskich wozyčkow w kupnicach woprawdźe čiste? Foto: Jan Kral

Přepytowanje Marburgskich wědomostnikow z wostrózbjacym wuslědkom

Nakupowanske wozyčki w kupnicach wužiwaja wšědnje syły ludźi. Přimadła tajkeho wozyčka njedótkaja so kupcy jenož wokomik, ale wulki čas nakupowanja. Mnozy činja to wšědnje wjacekróć – scyła wo tym njerozmyslujo, hač je wodźidło wozyčka čiste a kak strašne snano je so tajkeho přimać. Wozy dźě so jeno zrědka rjedźa a hygienisce čisća.

Wědomostnicy Marburgskeje uniwersity su přimadła nakupowanskich wo­zyčkow dokładnje přepytowali. A wuslědk wostrózbja: Nimo zbytkow nakupowanych tworow kaž zeleniny abo jogurta wozymy pluwanki, pót a fekalne bakterije po kupnicach. Tak su přimadła nakupowanskich wozow bóle zanjerodźene hač lifty, telefonowe budki abo nuzniki.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND