Zwičnjeja rybu po cyłej Němskej poručenje

srjeda, 25. oktobera 2017
artikl hódnoćić
(0 )

Karp w srjedźišću Łužiskich rybowych tydźenjow

Budyšin (SN/BŠe). Ryba z łužiskich hatow ma wuběrnu kwalitu. Wonkowne wuměnjenja kaž temperatura a dobre kajkosće wody zmóžnichu lětsa dobre wuwiće. „Skónčnje pak hakle žně pokazuja, hač mějachmy wuspěšne, přerězne abo słabe lěto“, rozkładuje jednaćel Chrjebjanskeho rybarstwa tzwr Dietmar Müh­le, kotrež je hižo spočatk septembra wułójenje rybow z hatow zahajiło. Dietmar Mühle skedźbnja tež na ćeže rybarjow. Hižo někotre lěta přiběra ličba kormoranow, kotrež maja rybu na jědźnym planje. Zdobom zwěsćeja hatnicy škody na wodźi­znach, na přikład bobra dla. Rybar po­hibuje so w přećiwku mjez ekologiju a ekonomiju. Na jednym boku je hladar krajiny, na tamnym ma sej swój wšědny chlěb zasłužić. Ma tuž stajnje wotwažować, hač abo kak bobry a kormorany wottraša. „Byrnjež konfliktny potencial wulki był, zhromadne dźěło mjez přirodoškitnymi institucijemi a rybarskimi předewzaćemi derje funguje“, jednaćel Chrjebjanskeho zawoda po­twjerdźa. W najwjace padach móžachu akterojo kompromis nańć.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND