Sakske mišterstwaw mnohostronskim jěchanju

wutora, 24. septembera 2019
artikl hódnoćić
(0 )
Mayte Hetmankec z Kamjenca kaž tež Felicitas a Franciska Bobkec z Miłoćic słušachu minjeny kónc tydźenja w Hórkach do kruha wuspěšnych  dorostowych jěcharkow a jěcharjow Konjaceho sportoweho towarstwa Při Klóšterskej wodźe Pančicy- Kukow.Jörg Stephan Mayte Hetmankec z Kamjenca kaž tež Felicitas a Franciska Bobkec z Miłoćic słušachu minjeny kónc tydźenja w Hórkach do kruha wuspěšnych dorostowych jěcharkow a jěcharjow Konjaceho sportoweho towarstwa Při Klóšterskej wodźe Pančicy- Kukow.Jörg Stephan

26. jěchanski a skakanski turněr w Hórkach přewjedli

Zamołwići Konjaceho sportoweho towarstwa Při Klóšterskej wodźe Pančicy-Kukow su prawje ličili a nowinarjam zdźělili, zo je dokładnje 143 wobdźělnikow z eksaktnje 219 konjemi minjeny kónc tydźenja 496 razow w Hórkach respektiwnje w Hrańcy startowało. Na hranicy mjez Delanami a Horjanami je so njedźelu dopołdnja na přikład Worklečanka Antje Bobcyna zhromadnje ze sudnikom Dieterom Grafom wo prawy startowy wotběh wobdźělnikow sakskich mišterstwow w mnohostronskim jěchanju starała, jako přewjedźechu při dejnym kombinaće přezpólny parcours. K zadźiwanju někotrych swěrnych při­hladowarjow běchu zamołwići mjenujcy slěd disciplinow změnili a skakanje na druhe městno přepołožili. „Klasiski wotběh mnohostronskeho jěchanja je poprawom dresura – přezpólne jěchanje – skakanje. Je pak tež móžno druhu a třeću disciplinu­ wuměnić. Smy to tak wupisali, dokelž so do našeho wotběha lěpje hodźi“, rjekny jenički starter na krajnych mišterstwach Křesćan Zahrodnik z Chrósćic.

wozjewjene w: Sport
Prošu přizjewće so, chceće-li komentar podać

Serbska debata

nowostki LND