Tabulkowy susod wuspěšny

srjeda, 30. oktobera 2019
artikl hódnoćić
(0 )

ST Wóslink/Skaskow

– SJ Njebjelčicy 1:0 (1:0)

Zestawa hosći: Hahn – Kral, Hanuza, Gödig, Čornak (46. Hölzel), Pawlik, O. Domš, Plaettner, Haška, Šołta (61. Schulze), Wagner (61. Lejnart)

Hosćo derje do partije startowachu, tak zo běchu Wóslinčenjo w defensiwnje hnydom žadani. W 5. min. Wiliam Plaettner bul po róžku z pjeć metrow na wrota zhłójčkowa, hrajer domjacych pak zamó jón hišće na łatu wotfalšować. W 13. min. přesadźi so Oliver Domš po diagonalnej přihrawce w běhanskim duelu z poslednim škitarjom hosćićela. Z praweje strony na wrota měrjo so trjechi pak jenož wonkowny sak. Přez kontery wukonješe přećiwnik ćišć na defensiwu Njebjelčanow. W 30. min. wuskoči z tajkeho róžk. Wótry bul Kevin Kuschel na krótku žerdź zhłójčkowa. Wrotar Nico Hahn bě runje hišće w prawym času na městnje. W 42. min. kuli so bul na wonkownej čarje přećiw­niskemu hrajerjej před noze. Z toho slědowacy nahle hraty bul přiwza Tom Franke samostejacy před wrotami a třěli jón do klětki. Wrotar a defensiwa běštaj bjez šansy.

W druhej połojcy partije steješe ho­sćićel hłuboko w swójskej połojcy. Njebjelčanam so hač na někotre wuwzaća njeporadźi w ofensiwnej conje k wot­zam­knjenju přińć. Dobru składnosć měješe Plaettner po wuspěšnym solu. Sam před wrotarjom stejo pak trjechi wóno žerdź. Wrotar Nico Hahn so hišće raz wuznamjeni, a to w ofensiwnej akciji domjacych, jako hłójčkowany bul z třoch metrow z wulkotnym refleksom nimo swójskich wrotow storči. Hač do 90. min. so Njebjelčanam žadyn roz­sudny pas wjace njeporadźi. Po hrajnych podźělach wu­runana partija dźěše nje­trjebawši na konto tabulkoweho susoda z Wóslinka/Skaskowa. Jurij Haška

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND