Robert Lejnart trójce trjechił

srjeda, 30. oktobera 2019
artikl hódnoćić
(0 )
Handrij Korjeńk (srjedźa při bulu, Njebjelčicy) dyrbi so w přichodnym wokomiku rozsudźić. Pak sćele wón Roberta Lejnarta (nalěwo, Njebjelčicy) na prawe křidło abo Leopolda Hoelzela (naprawo, Njebjelčicy) na lěwe křidło. Foto: Jörg Stephan Handrij Korjeńk (srjedźa při bulu, Njebjelčicy) dyrbi so w přichodnym wokomiku rozsudźić. Pak sćele wón Roberta Lejnarta (nalěwo, Njebjelčicy) na prawe křidło abo Leopolda Hoelzela (naprawo, Njebjelčicy) na lěwe křidło. Foto: Jörg Stephan

SJ Njebjelčicy

– HZ Hórnikečanski jězor 4:0 (1:0)

Zestawa domjacych: Hahn – Kral, Ha­nuza, Gödig, Haška (76. Čornak), Pawlik, O. Domš, Hoelzel, Lejnart, Schulze (73. Šołta), Korjeńk (73. Wagner)

Dalši duel tabulkoweju susodow bě mi­njenu njedźelu w Njebjelčanskim sta­dio­nje při Jaworskej rěčce. Dypkowa flaw­ta do toho we Wóslinku pohnu trenarja hosćićela Handrija Krawčika do hry razniši ton wolić. Hižo w 3. min. pora­dźi so domjacym wuspěšna ofensiwna akcija, po tym zo běchu woni porjadny ćišć wukonjeli a skomoleny pas do nohow Roberta Lejnarta prowokowali. Rodźeny Worklečan njeda so dwójce prosyć a sam na wrota běžo k 1:0 wotzamkny. W přichodnej akciji pósła Leopold Hoelzel ze srjedź­neho pola Sandra Schulzu do běha, kiž bul Handrijej Korjeńkej wotpołoži. Škitar dalše wrota runje hišće tak wotwobara. Po dobrej spočatnej fazy pak Njebjel­čenjo bjez spóznajomneje přičiny měr w swojich akcijach zhubichu. Dołhe třělwy a skomolene přihrawki zmóžnjachu hosćom wjacore dobre ofensiwne akcije. Tak tež we 38. min., jako lećeše po róžku do směra na wrota hłójčkowany bul jeno snadnje nimo žerdźe.

wozjewjene w: Sport
Prošu přizjewće so, chceće-li komentar podać

Serbska debata

nowostki LND