Nowoslicy (JK/SN). Swoju mjeztym 28. hłownu zhromadźiznu wotmě Róžeńčanska agrarna AG Sorabia wčera w Nowoslicach. W Dinarjec kulturnej bróžni witaše předsyda dohladowanskeje rady dr. Thomas Kronenberg nimale 60 akcionarow, zo by jim přehlad wo hospodarskim stawje dał, na kotrymž maja podźěl. Zhromadźizna wotběža měrnje, byrnjež hospodarska situacija Sorabije runje róžojta njebyła.