Plany bywaja konkretniše

štwórtk, 05. nowembera 2026
artikl hódnoćić
(0 )
Napohlad Kamjenskeje kupjele ma so dospołnje změnić. © Twarske planowanje Budyšin tzwr Napohlad Kamjenskeje kupjele ma so dospołnje změnić. © Twarske planowanje Budyšin tzwr

Zaměrowy zwjazk za Lessingowu kupjel w Kamjencu naćisk planow wobzamknył a z tym wažny měznik docpěł

Za přetwar Lessingoweje kupjele w Kamjencu je so nětko wažna faza zahajiła. Spočatk oktobra je zhromadźizna zaměroweho zwjazka za Kamjensku kupjel naćisk planow za třeću wukonowu fazu projekta wobkrućiła. Na zakładźe naćiska móže zaměrowy zwjazk Sakskej natwarnej bance SAB nětko próstwu wo spěchowanje zapodać. „Z wobzamknjenjom naćiska smy wažny měznik docpěli. Plany bywaja dźeń a konkretniše. To je wažny zakład za přichodne planowanske kročele“, zwurazni předsyda zaměroweho zwjazka, wyši měšćanosta Lessingoweho města Michael Preuß. Zastupjer wokrjesa a městopředsyda zwjazka, prěni přirjadowany Budyskeho wokrjesa Jörg Szewczyk wudospołni, zo hodźi so z tutym wobzamknjenjom zdobom dale na procesu za twarsku dowolnosć dźěłać. „Naš zhromadny zaměr je, kupjel z halu a wonkownym basenkom 2030 zjawnosći přepodać“, tak Szewczyk.

wozjewjene w: Hospodarstwo

Galerija

dalši wobraz (1) Cyle nowa wonkowna ležownosć ma ludźi do kupjele wabić. © Twarske planowanje Budyšin tzwr
dalši wobraz (2) Nutřkowny areal kupjele budźe wo wjele swětliši a změje wjacore basenki. © Twarske planowanje Budyšin tzwr
dalši wobraz (3) Wizualizacije Budyskeho planowanskeho běrowa wotbłyšćuja dospołnje nowu kupjel w Kamjencu. W lěće 2030 chcedźa ju zamołwići zjawnosći přepodać. Próstwu wo twarsku dowolnosć chcedźa hišće lětsa zapodać. © Twarske planowanje Budyšin tzwr
Prošu přizjewće so, chceće-li komentar podać

LND onlineshop 2026

Nowe poskitki LND namakaće w lětušim wudaću Nowinkarja!

Nowinkar 2026-27

HSSL25

Chróšćan Šulerjo

Midas Logo