Z wuspěchom přećiwo Borussiji Hildesheim je FC Energija Choćebuz swój přihotowanski program na nowu sezonu regionalneje ligi zakónčiła. Z wosom testowych hrow je FCE šěsć dobyła, jednu njerozsudnje hrała a jednu přěhrała. „Wosom nowych hrajerjow bu angažowanych. Jich wukony budźa nadźije na wuspěch“, praji tež šeftrenar FCE Claus-Dieter Wollitz. Do pokalneje hry přećiwo Werder Bremenej 1. awgusta w Choćebuzu je sportowy reporter Georg Zielonkowski hišće raz z Claus-Dieterom Wollitzom ­porěčał.

Kak wupada Waš facit, nastupajo nowopřichady?

FSV Budissa Budyšin – FC Energija Choćebuz 1:6 (1:1)

Budissa Budyšin: Ondřej Cap, Mikolaj Gorzelanski – Lukas Lehmann, Steve Schröder, Janko Hnetsch, Tom Hagemann, Florian Baudisch, Tom Nathe, Moritz Noack, Julien Hentsch, Tom Hentschel, Jannik Käppler, Kay Weska, Lukas Hanisch, Paul Jokušch, Christian Noack, Julian Gerhardi, Max Rülicke

Energija Choćebuz: Bethke – Milde, Kaizer (46. Eisenhuth), Slamar (60. Böhmert), Borgmann (46. Wagner) – Geisler (46. Hofmann), Juckel, Kujović – Wähling, Hottmann, Abu-Alfa (60. Oesterhelweg).

Při temperaturach jasnje nad 30 stopnjemi je FC Energija Choćebuz minjenu srjedu testowu hru pola Budissy Budyšin před něhdźe 500 přihladowarjemi ze 6:1 dobyła. K přestawce steješe hišće 1:1, při čimž bě Budissa při wuspěchu Toma Hagemanna (36.) z toho profitowała, zo bě so wrotar Energije Elias Bethke wobsunył a wurunanju přihladować dyrbjał. Do toho bě Abu Alfa w 22. mjeńšinje wrota k nawjedowanju za hosći třělił.

Tradicionalny Oberlichtenauwski lětni běh

Před dwěmaj lětomaj su so organizatorojo małeje skupiny běharjow Oberlichtenauwskeho sportoweho zjednoćenstwa a mnozy aktiwni běharjo ze Sakskeje a samo cyłeje Němskeje na 40. jubilejne wurisanje wjeselili. Ale koronapandemije dla móžachu jubilej hakle nětko přewjesć.

Z 226 metrami wysokosće na 13 kilometrow je čara Oberlichtenauwskeho lěćneho běha jedna z najnaročnišich w Sakskej. Na tutej doběža cyłkownje 78 starterow do cila. Cyłkownej dobyćerjej běštaj Markus Thomschke z Oberlichtenauwa w nowym rekordnym času přewšo spěšnych 44:13 min. a Franziska Kranich ze Zhorjelca w 53:56 min. Slěbornej městnje wubědźištaj sej Martin Sauer z Hartha, pochadźacy z Malešec, w 48:11 min. a Christine Platz z Porchowa w 1:1:38 hodź a bronzowe městno André Fischer a Karina Friedrich, wobaj z Drježdźan. W Budyšinje bydlacej Mehnertec Katrin a Christoph wubědźowaštaj so wobaj tež na tutej dołhej a naročnej čarje. Christoph wubědźi sej w starobnej skupinje 50+ ze 59:34 min. 2. městno (cyłkowne 23.) a mandźelska Katrin w skupinje 45 z 1:23:44 hodź 5. městno (cyłkowne 77.).

5. serbski supercup njedźelu w Njebjelčicach wotměli

Při najrjeńšim wjedrje, při jara dobrej organizaciji a dobrym zastaranju a před tójšto přihladowarjemi, wuhrachu njedźelu w Njebjelčicach 5. serbski supercup – koparski turněr pjeć serbskich koparskich cyłkow. Lětsa nastupichu towarstwa z Pančic-Kukowa, Radworja, Chrósćic a Ralbic. Njebjelčenjo jako štwórty minjeneho lěta dyrbjachu wusadźić. Samozrozumliwje pak zamołwići SJN wokoło Bjarnata Deleńka turněr wulkotnje wuhotowachu. Nimo dosć a nadosć jědźow a napojow, hudźby a stadionoweho rěčnika, bu tež skakanski hród za dźěći a lodowe awto organizowane. Wobě połfinalnej hrě buštej lětsa hakle poł hodźiny do turněra wulosowanej. Tak nastaštej partiji Pančicy-Kukow – Radwor a Chrósćicy – Ralbicy. Ze sćěhowacymi hrajerjemi štyri cyłki nastupichu.

ST Marijina hwězda: David Matik – Michał Weclich, Felix Langer, Ronald Cyž, Karl Pakoßnick, Richard Hawš, Paul Šmit, Tomaš Čornak, Franc Bulank, Ali Eldor, Patrick Luge, Matijas Róbel, Jakub Claußen, Benny Zynda, Dawid Jurš, Ronny Wünsche, Lukas Hoge