Bamž zahaji Swjate lěto
Vatikan (B/SN). Patoržicu zahaji bamž Franciskus Swjate lěto, z tym zo portal před katedralu swjateho Pětra wotewri. Za jeje durjemi chowa so metalowy kašćik, w kotrymž su mjez druhim kluč za portal, wopismo a bamžowske medalje Franciskusa, Benedikta XVI. a Jana Pawoła II. Prěni raz su w romskim jastwje Rebibbia durje stajili, kotrež chce bamž 26. decembra jako znamjo nadźije za wšěch jatych na cyłym swěće wočinić.
Film wo hodownym oratoriju
Frankfurt n. M. (B/SN). Oratorij Johanna Sebastiana Bacha słuša ke kóždolětnemu hodownemu ritualej. Film, kotryž předstaja fiktiwne nastaće šěsć kantatow oratorija, wusyła ARD 18. decembra pod titulom „Bach – ein Weihnachtswunder“. „Bach zamóže ze swojej hudźbu strach, zadwělowanje, žedźbu, nadźiju a radosć budźić“, zwurazništaj producentaj Ernst Ludwig Ganzert a Mario Krebs.
Wo rólu žonow w cyrkwi šło
Z wulkim bojom načolnu poziciju zakitowali
FC Energija Choćebuz –
FC Hansa Rostock 3:1 (1:0)
Zestawa Energije: Bethke – Rorig (79. Hasse), Campulka, Slamar, Bretschneider, Pelivan, Borgmann, Möker (79. Juckel), Krauß (95. Kaizer), Copado (93. Oesterhelweg), Halbauer (46. Ciğerci)
slěd wrotow: 1:0 Campulka (45.+3), 2:0 Krauß, 3:0 Copado (68.) 3:1 Naderi (88.)
přihladowarjo: 19 700 (wupředate)
Před wupředatym domom nasta intensiwna hra. Prěnju šansu mějachu hosćo, jako přizemi hłójčkowany bul Franza Pfanne we 8. min. při žerdźi. Po 24 mjeńšinach bě to zaso jónu Elias Bethke, kiž swojich hólcow před zastatkom wuchowa. W přidatnym hrajnym času bě potom FC Energija na rjedźe. Tim Campulka zapodaće Phila Halbauera z hłowu do wrotow zhłójčkowa. Po hrubym zmylku w škiće njeměješe Maksimilian Krauß ćeže 2:0 docpěć. Krótko po tym bě to Lucas Copado, kiž wuběrnu přihrawku zaměnjeneho Tolcayja Ciğercija k 3:0 wuži. Po wulkotnym solu po cyłym hrajnišću bu Nico Bretschneider (77.) hakle wot wrotarja zadźeržany. Čestne wrota běchu sej hosćo woprawdźe zasłužili (3:1). Energija wjeseleše so po wothwizdanju jara dobreho sudnika zwjazkoweje ligi Floriana Exnera přez jědnate sezonowe dobyće. Georg Zielonkowski
Widźał,słyšał, napisał (16.12.24)
Awtor dźensa
Jan Bogusz
Sport (13.12.24)
Tři Worklečanske cyłki hraja
Prěnje wolejbulowe mustwo muži Viktorije Worklecy hraje jutře w sportowni Wojerowskeho Lessingoweho gymnazija. Tam hraja přećiwo cyłkej z Kupoje Noweje Łuki, kotryž je dotal wšitkich sydom duelow přěhrał. Prěnje wolejbulowe mustwo žonow Viktorije Worklecy hraje w Rózborku, a druhe zastupnistwo muži sobotu wot 11 hodź. we Worklecach.
14.12. 11:00 Viktoria Worklecy II –
CVJM Zhorjelc II (m)
14.12. 11:00 Viktoria Worklecy II –
MSV Bautzen
14.12. 14:00 Doprědka Rózbork –
Viktoria Worklecy (ž)
14.12. 14:00 ST Kupoj Nowa Łuka –
Viktoria Worklecy (m)
Kopańca kónc tydźenja
We wyšej lize započnje so za Biskopičanow a Budyšanow hižo druha połserija. A we wokrjesnej wyšej lize maja Chróšćenjo hišće dypkowu hru nachwatać.
14.12. 13:00 VfB Auerbach –
Biskopičanske KT 08
15.12. 13:00 Budissa Budyšin –
SC Freital
15.12. 13:30 SJ Chrósćicy –
ST Horni kraj-Sprjewja
Zymska edicija Kulowcupa
Nowe bule za cyłodnjowski poskitk
Wulke wjeselo knježeše njedawno we Worklečanskej sportowni. Šulerjo zakładneje šule „Michał Hórnik“ dóstachu za koparski trening nowe bule.
Program němskeho koparskeho zwjazka DFB z mjenom „Šula a zjednoćenstwo“ přewjedźe so mjeztym hižo štwórty raz a měri so wosebje na zakładne šule. Z poskitkom ma so lóšt a wjeselo nad pohibom a sportowanju zbudźić. Nimo toho pak na tute wašnje tež lóši přistup do towarstwa zmóžnja. Zo bychu młodźi sportowcy prawje trenowali, podpěruje DFB kóždy projekt z trěbnymi materialijemi.
Jako kooperaciske towarstwo za projekt funguje znowa SJ Njebjelčicy, z kotrejež so tež tójšto dźěći na cyłodnjowskim poskitku wobdźěla. Wosebje ličba aktiwnych sobustawow w dorosće je so minjene lěta konstantnje zwyšiła. Dalše dźěći, kotrež tež za bulom honja, hraja mjez druhim za SJ Chrósćicy, Sokoł Ralbicy Hórki abo so prosće tak za kopańcu horja.
Tak je to přidatny sportowy poskitk, na kotrymž móža młodźi koparjo z wjeselom swójske kmanosće dale skrućić a dalše nazhonjenja hromadźić.
Tadej Cyž
Choćebuženjo dale wuspěšni
Po dobyću 2:0 (1:0, woboje wrota Jonas Hofmann) we wosmifinalu w krajnym pokalnym kole Braniborskeho koparskeho zwjazka FLB přećiwo Přezjednoće Oranienburg, płuwa mustwo FC Energije Choćebuz tež w třećej koparskej lize Němskeje dale na žołmje wuspěcha.
FC Energija Choćebuz –
HZ Unterhaching 2:0 (1:0)
Zestawa Energije: Bethke – Rorig, Campulka, Slamar, Bretschneider, Proničew (73. Juckel), Putze (73. Borgmann), Möker (90.+1 Hasse), Copado (46. Halbauer), Thiele, Krauß (83. Hofmann)
Hosćo běchu spočatnje derje na Choćebusku taktiku nastajeni. Tak prezentowaše hra najprjedy zasadnu wurunanosć, doniž njedocpě po nimale poł hodźinje Maksimilian Krauss z perfektnej třělwu z połlěweje pozicije nawjedowanje za FC Energiju. Jako poradźi so zaměnjenemu Philej Halbauerej spočatk duheho połčasa wótre zapodaće, bu Tim Hoops wot Timmyja Thiele w pjećmetrowskim rumje fairnje powaleny a bul ležeše nadobo w saku. Po tym měještaj Thiele a Maksimiliana Proničew dalše jara dobre šansy. Hóstny wrotar pak pokaza swoje kmanosće. Kónčny rezultat 2:0 wjedźeše nowačka po 16. hrajnym dnju wróćo na čoło 3. ligi.
Dwanatkarjo Budyskeho Serbskeho gymnazija znowa abi-cup dobyli
Šesty raz wuhra so w sportowni Budyskeho Powołanskošulskeho centruma abicup přichodnych maturantow Sprjewineho města we wolejbulu. Dwanatkarjo Budyskeho Serbskeho gymnazija (SGB) dobychu znowa turněr z wosom startowacymi cyłkami. Jědnatkarjo wubědźichu sej 3. městno.
Minjenu srjedu powita hłowny organizator a sportowy wučer Budyskeho Powołanskošulskeho centruma Alf Müller šulerjow 11. do 13. lětnika Sprjewineho města do tamnišeje sportownje na tak mjenowany abi-cup. Wosom wolejbulowych cyłkow, wobstejacych z dweju holcow a štyrjoch hólcow, wojowaše šesty raz wo dobyće pućowanskeho pokala. Dotal běchu abiturienća SGB trójce wuspěšni, a to w lěće 2018 z kapitanom Dawidom Wowčerjom, w lěće 2019 z kapitanom Jakubom Bobku a w lěće 2023 z najlěpšim hrajerjom turněra Eliasom Kummerom.
Tónraz juskachu znowa přichodni maturanća serbskeho kubłanišća wokoło sylneho nadběhowarja Benedikta Šołty. Woni přesadźichu so w finalu přećiwo dobyćerjej lěta 2022 Melanchthonoweho gymnazija 2:0.
Dwójce do podlěšenja hić dyrbjeli
EC Bad Nauheim –
Łužiske lodohokej liški 4:3
(1:2, 2:0, 0:1, 1:0) p.p.
Prěnje składnosće přez Alexandera Doscha a Louisa Andersa parěrowaše wrotar domjacych Jerry Kuhn hišće bjez ćežow, wón pak bě při třělwje Lane Scheidla bjezmócny, 0:1 (5.). Dołho njetraješe prjed hač ECN wurunanje přez Taylora Vause docpě (12.). Po tym so dołho ničo njesta, doniž Liški krótko do přestawki wulki zmylk Bad Nauheima njepochłostachu: Scheidl přetwori lesćiwje k zasłuženemu 2:1 (19.).
W srjedźnym wotrězku mytowaše Julian Lautenschlager hosćićelow za trajny ćišć a přetwori čorny puk pod łatu k wurunanju (27.). Na kóncu druheho wotrězka přińdźechu hosćo z Łužicy tež zaso wróćo do hry, ale 100 sekundow do druheje přestawki dyrbješe Eric Valentin foula dla na chłostansku ławku, štož Čerty hnydom k 3:2 wužiwachu.
Krótko do kónca bu hišće raz kuriozne. Po dołhim čakanju wuprajichu sudnicy po widejowym dopokazu chłostanje přećiwo Mariusej Erkej. Na to wzachu Łužičenjo wrotarja z lodu a běchu z hrajerjomaj wjac na polu (59.). To so tež wupłaći, dwanaće sekundow do kónca docpě Jérémy Beaudry wurunanje (60.), tak zo dyrbješe so partija w podlěšenju rozsudźić.
Wuslědki (10.12.24)
Kopańca,
Wyša liga
Union Sandersdorf – FC Grimma 2:1 (0:0)
RSV Eintracht – Zorbau 2:0 (1:0)
VfB Auerbach – Wismut Gera 0:2 (0:0)
Magdeburg II – Biskopicy 0:0 (0:0)
Rudolstadt – Ludwigsfeldski KK 1:1 (0:0)
Budissa Budyšin – Wernigerode 6:2 (2:0)
VfL Halle – SC Freital 5:2 (1:0)
Halberstadt – VfB Kśišow 1:1 (0:0)
1. VfL Halle 96 15 37 : 20 32
2. 1. FC Magdeburg II 15 37 : 14 30
3. RSV Eintracht 1949 15 28 : 16 29
4. Biskopičanske KT 08 15 19 : 14 26
5. VfB Auerbach 15 30 : 23 25
6. Germania Halberstadt 14 30 : 24 24
7. VfB 1921 Kśišow 15 37 : 23 23
8. SC Freital 15 29 : 28 23
9. SG Union Sandersdorf 15 19 : 26 19
10. BSG Wismut Gera 15 24 : 33 19
11. FC Grimma 15 22 : 30 17
12. FC Jednota Rudolstadt 15 24 : 29 15
13. FC Jedn. Wernigerode 14 27 : 36 15
14. Budissa Budyšin 15 28 : 36 14
15. ST Módro-běli Zorbau 15 21 : 38 13
16. Ludwigsfeldski KK 15 10 : 32 6
Krajna klasa
Drježdźany Strěžin – Niska 0:4 (0:2)
Hartmannsdorf – P. Drježdźany wupad
SC Freital II – SG Weixdorf 8:0 (6:0)
Radeberg – Wojerowski FC 2:2 (1:0)
Biskopicy II – Cossebaude 2:2 (0:2)
Rot. Drježdźany – ST Wesenitzal 4:0 (2:0)
FSC Wódrjeńca – Heidenau 2:2 (0:1)
1. SC Freital II 15 52 : 13 38
2. FSV Nowosólc-Hródk 14 41 : 13 31
3. SZ Drježdźany Strěžin 14 28 : 22 24
4. Póst Drježdźany 14 28 : 23 22
5. ST Wesenitzal 14 28 : 35 21
6. SG Weixdorf 15 23 : 29 20
7. Přezjednota Niska 14 43 : 28 19
8. Wojerowski FC 15 19 : 26 19
9. FSC Wódrjeńca 14 28 : 32 17
10. Chemie Dohna 14 21 : 39 17
11. Heidenawske ST 14 21 : 24 15
12. TSV Cossebaud 15 21 : 42 15
13. Biskopičanske KT II 14 30 : 34 14
14. Radebergerske ST 15 31 : 39 14
15. Hartmannsdorfske ST 13 25 : 35 14
16. Rotacija Drježdźany 14 18 : 23 13
Wokrjesna wyša liga
FV Ottendorf-Okrilla – Kulow 1:2 (1:0)
