Je so tak rjenje započało
Dynamo Drježdźany –
FC Energija Choćebuz 4:2 (2:2)
Zestawa Dynamo Drježdźany: Schreiber – Kammerknecht, Casar, Boeder – Lemmer, Menzel (82. Büning), Heise – Batista Meier (56. Sapina), Hauptmann (82. Oehmichen) – Meißner, Kutschke (61. Daferner)
Zestawa FC Energija Choćebuz: Bethke – Rorig, Kusic, Campulka, Bretschneider (82. Hasse) – Putze (75. Hofmann) – Proničew (82. Hajrulla), Möker (63. Juckel), Ciğerci, Halbauer (63. Shcherbakovski) – Thiele
slěd wrotow: 0:1 Halbauer (8.), 0:2 Cigerci (12.), 1:2 Kutschke (27./FE), 2:2 Menzel (31.), 3:2 Meißner (78.), 4:2 Heise (90.+1)
Z cyle wjele kuražu a wulkim sebjewědomjom startowaše FC Energija před 27 000 frenetiskimi fanami Dynama. Ze wšej samozrozumliwosću poda so FCE do wuchodneho derbyja, zo by so sčasom z dwěmaj wulkotnymaj wrotomaj mytował.
Přeswědčacy zazběh do sezony
Rakečanske ST II – ST Marijina hwězda 1:8 (0:4)
Zestawa hosći: Wünsche – E. Bulank, Zelnak (67. Zynda), K. Pakoßnick, T. Jurš (57. Hoge) – F. Bulank (60. Bayer), Kreuz, Kurink, Špitank – J. Pakoßnick, Eldor
Wulke – wjetše – olympiske hry 2024 w Parisu
Olympiske hry 2024 w Parisu su so wčera, ze swjatočnosću, nimale runje tak jimace zakónčili, kaž su startowali. Při tym staj olympiskaj dobyćerjej triatletka Laura Lindemann a kanuta Max Rendschmidt němsku chorhoj do Stade de France njesłoj.
Němski team zakónči olympiske hry w Parisu mjez najlěpšimi dźesać narodami hladajo na zdobyte medalje, je pak so porno hram w Tokiju znowa pohubjeńšił. Z 12 złotymi medaljemi, 13 slěbornymi kaž tež 8 bronzowymi docpě team Němskeho olympiskeho zwjazka (DOSB) dźesate městno.
Kulostorkarka Yemisi Ogunleye z Mannheima je sensacionelnje olympiske złoto dobyła. 25lětna docpě w poslednim pospyće dalokosć wot 20,00 metrow. Z tym postara so wona wo prěnje a jeničke złoto němskeho lochkoatletiskeho zwjazka při lětušich hrach.
Do toho docpěchu hižo němske sprinterki w stafli přez 4x100 metrow, ze sylnym běhom bronzu. To bě wulka njewočakowana překwapjenka.
Koparski derby we wokrjesnej wyšej lize SJ Chrósćicy – ...
Widźał, słyšał, napisał (12.08.24)
W Njebjelčicach, Radworju, Pančicach-Kukowje, Ralbicach a Chrósćicach je koparjam kónc tydźenja zawěsće mały kamjeń z wutroby padnył, wšako wšitke serbske koparske cyłki swoju prěnju dypkowu hru w nowej sezonje dobychu.
Do hrajneje doby ženje njewěš, hdźe runje stejiš, dokelž testowe hry zdźěla přewjele njewupraja. Zo pak hnydom wšě prěnje mustwa serbskich koparskich zjednoćenstwow wuspěšnje do sezony startuja, tomu najskerje hišće tak husto było njeje. Sebjewědomje za dalše hry je najprjedy raz tu! Koparska sezona so runje hakle zahaji, Olympiske hry w Parisu su nimo! Znowa bě chětro zajimawje, sej tón abo tamnu nakromnu sportowu družinu w telewizoru wobhladać.
Wuslědki (12.08.24)
Kopańca, wokrjesna wyša liga
Natwar Němske Pazlicy –
Germania Budyšin 3:2 (2:2)
Połčnica – Sokoł Ralbicy/Hórki 1:4 (0:0)
Zeleno-běli Bukecy – TSV Wachau0:1 (0:0)
ST Hnašecy-Dobruša – Rakečanske ST
2:1 (0:0)
ST Horni kraj-Sprjewja –
SC 1911 Großröhrsdorf 1:2 (1:1)
SJ Chrósćicy – Módro-běli Kulow 1:0 (1:0)
Drohotka Ramnow –
HZ Łaz/Běły Chołmc1:1 (0:0)
SG Großnaundorf –
FV Ottendorf-Okrilla 05 4:0 (0:0)
1. SG Großnaundorf 1 4 :0 3
2. Sokoł Ralbicy/Hórki 1 4 :1 3
3. Natwar Němske Pazlicy 1 3 :2 3
4. SC 1911 Großröhrsdorf 1 2 :1 3
4. ST Hnašecy-Dobruša 1 2 :1 3
6. SJ Chrósćicy 1 1 :0 3
6. TSV Wachau 1 1 :0 3
8. Drohotka Ramnow 1 1 :1 1
8. HZ Łaz/Běły Chołmc 1 1 :1 1
10. Póst Germania Budyšin 1 2 :3 0
11. Rakečanske ST 1 1 :2 0
11. ST Horni kraj-Sprjewja 1 1 :2 0
13. Módro-běli Kulow 1 0 :1 0
13. Zeleno-běli Bukecy 1 0 :1 0
15. TSV Połčnica 1 1 :4 0
16. FV Ottendorf-Okrilla 05 1 0 :4 0
Němske sportowcy tež na wodźe wuspěšni
Němski kajak ze štyrjomi mužemi je so w Parisu znowa jako olympiski dobyćer krónował. Do toho běchu sej žony wupadlowali.
Jako Max Rendschmidt, Tom Liebscher-Lucz, Max Lemke a Jakob Schopf w finalu 500 metrow cilowu liniju přeprěčichu, bě wysk hišće łahodny. Napjate sekundy dyrbješe němski kwartet čakać, prjedy hač bě dobyće rozsudźene. Ze štyrjomi stoćinami předskoka přesadźi so němski kajak přećiwo Awstralskej, po 1:19,80 mjeńšinach. Bronzu wudoby sej Španiska. Hižo do toho bě zwjazkowy trenar Arndt Hanisch prěni wuspěch na tutym dnju swjećił. Z 1:32,62 mjeńšinami docpěchu němske žony w kajaku ze štyrjomi 2. městno we wubědźowanju přez 500 metrow. Spěšniši hač němski Kwartet, wobstejacy z Paulinu Paszek, Jule Marie Hake, Pauline Jagsch a Sarah Brüssler, padlowaše jenož Nowoseelandska. Němski kwartet je w mjezyčasu samo nawjedował. Do cila pak mocy pobrachowachu a z diferencu jeničce 0,42 sekundow Němki podležachu. Posledni raz dobył je němski team žonow w tutej disciplinje 2008 w Pekingu.
Sport (09.08.24)
Wobornicy so wubědźuja
Po lěćnej přestawce sćěhuja slědowace wurisanja wohnjowych wobornikow w hašenju: 9. awgusta Sernjany, 18. awgusta Sulšecy (měšćanski pokal), 23. awgusta Pěskecy, 24. awgusta Róžant, 1. septembra Smjerdźaca a 13. septembra Ralbicy (pod swětłomjetakami). Wubědźowanje w Sernjanach započnje so dźensa wječor we 18 hodź.
Motocross w Rownom
Motorsportowe towarstwo Offroad Rookies wuhotuje 31. awgusta w Rownom tak mjenowany Rownjanski motocross po šćernišću. Wubědźowanja přewjedu so na 2 km dołhej čarje při Trjebinskim a Mułkečanskim puću. Sćěhowace rozrjadowanje klasow tam změja: bobbycar, běhanske koleso, Simson, pitbike, kwad, dźěći, žony, youngstery, seniorojo, hobby a profi.
Kopańca w Sernjanach
Wjesny klub Sernjany přeprošuje wšitkich wólnočasnych a tež dalšich koparjow na tak mjenowany soccer cup do Sernjan. Jutře hraje so tam třo přećiwo třom, a to stajnje wosom mjeńšinow dołho. Započatk budźe w dwěmaj, maksimalnje 10 mustwow smě so wobdźělić. Přizjewjenja su pod telefonowym čisłom 0162 7624029 abo pod e-mejlowej adresu móžne.
Mjetarjo olympisku hru přećiwo Francoskej dobyli
Tutych wosebitych wokomikow dla je telko ludźi na swěće wo olympiskich hrach fascinowanych. Dokelž je sport tak njewobličomny a krasny. Němske narodne mustwo mjetarjow je w dramatiskim štwórćfinalu přećiwo europskemu mištrej z Francoskeje 35:34 po podlěšenju dobyło a połfinale docpěło. Tak hraje wubranka DHB pjatk přećiwo Španiskej. Wosebje napjate běchu kónčne sekundy regularneho hrajneho časa štwórćfinalneje hry w Lille. Francoska nawjedowaše mjenujcy 29:28. Poprawom bychu Francozojo bul jeničce w swojich rjadach dźeržeć dyrbjeli, wšako mějachu jenož hišće šěsć sekundow hrać. Hač dotal wusahowacy hrajer Dika Mem pak ćisny bul Sebastianej Heymannej do rukow. Na to přihra so hrajny nastroj Renarsej Uscinje, kotryž jón ze zynkami kónčneje sireny mjez noze francoskeho wrotarja do saka zapali. Z kónčnym wuslědkom 29:29 so do podlěšenja podachu.
Přihoty z treningowym lěhwom zakónčili
Koparjo prěnjeho koparskeho mustwa ST 1922 Radwor su minjene dny wjacore razy testowe hry přewjedli. Tak na přikład přećiwo mustwu Jednoty Kamjenc. Mustwo z wokrjesneje klasy móžeše so 2:1 přesadźić. W Lessingowym měsće mějachu Radworscy koparjo wjele hrajnych podźělow, tola na kóncu běchu před wrotami přechwatni. Tola wšo to da rum dalšemu wuwiću, štož měješe so minjeny kónc tydźenja w treningowym lěhwje trenować a polěpšić. Pjatk bě so potom prěnja treningowa jednotka kónca tydźenja přewjedła, w kotrejž kładźechu trenarjo přiwšěm wažnosć na kondiciju. Taktiske elementy běchu stajnje zapřijate. Sobotu steješe dalša treningowa jednotka na programje a popołdnju přihotowanska hra, w kotrejž dyrbjachu koparjo młodźiny A wupomhać.
ST 1922 Radwor –
SJ Chrósćicy 3:2 (3:0)
Zestawa domjacych: Matik – B. Grubert, Omran, Dźisławk, Wjesela, Wjacławk, Nuk, Šnajder, Mička, Glücklich, Wróbl, Elsner, A. Schulze, Buša, Adam
Zestawa hosći: Škoda – T. Donat, Zynda, Zahrodnik, Handrik, Graf, Wornar, Wencel, Matik, Młynk, Rätze, Cyž, B. Donat, K. Mark, Bjeńš, Sćapan, Budar
