Wuslědki (13.11.25)
Wokrjesna liga, stafla II
FSV Łuty – ST Lubuš1:4 (0:1)
HZ Łaz/Běły Chołmc – Radwor 7:1 (4:0)
Wojerowski FC II – Sepicy 0:3 (0:1)
Malešecy – ST Wulka Dubrawa 3:1 (0:1)
SJ Chrósćicy II – Rakečanske ST II 1:2 (0:1)
1. Traktor Malešecy 11 36 : 9 28
2. Módro-běli Minakał 11 31 : 18 24
3. ST Lubuš 11 35 : 15 23
4. HZ Łaz/Běły Chołmc 11 27 : 11 19
5. ST Kinspork/Łužnica 10 28 : 18 19
6. ST 1896 Wulka Dubrawa 11 33 : 18 17
7. ST Radwor 10 22 : 25 13
8. FSV Łuty 10 16 : 22 12
9. HZ Wulke Ždźary 10 21 : 33 11
10. Wojerowski FC II 10 21 : 26 9
11. Rakečanske ST II 9 13 : 34 9
12. FC Łužica 10 12 : 26 8
13. Zeleno-běli Sepicy 11 9 : 30 7
14. SJ Chrósćicy II 11 11 : 30 4
Znowa wulke zmylki w defensiwje
FC Energija Choćebuz –
VfL Osnabrück 0:1 (0:0)
Zestawa FC Energije: Funk – Rorig, Manu (81. Biankadi), Awortwie-Grant, Guwara (61. Lucoqui), Pelivan, Michelbrink (81. Butler), Hannemann (81. Moustfa), Borgmann, Thiele (46. Ciğerci), Engelhardt
wrota: 0:1 Ismail Badjie (73.)
Běše to načolna hra 13. hrajneho dnja. Tola duel mjez prěnim a třećim tabulki njebě nikoho ze stólca storhnył. Bě to wurunana hra mjez šěsnatkomaj. Mjerzać pak smědźachu so 10 000 přiwisnikow přez špatny škit wrotow Energije. Škitarjo přećiwnikej znowa njedosahace paroli skićachu. King Manu da so wot swojeho přećiwnika na prawej wonkownej čarje wottřasć. Nastatu přihrawku přiběžacy Badjie, kiž njebě wusko dosć wobstražowany, do wrotow třěli. Tak skónči so hra, kaž ju trenar Claus Dieter Wollitz wjacore razy wěšćeše: „Wobě mustwje matej swoje lěpšiny, tak zo drje budu na kóncu jedne wrota rozsudne.“
Runje tak přińdźe, bohužel na dobro hosći. Georg Zielonkowski
Pjate dobyće pospochi za Njebjelčanow
HZ Mały Wosyk/Porchow II –
SJ Njebjelčicy 0:3 (0:0)
Zestawa hosći: Hahn – Hanuza, Wjerš, Herrmann (81. Heymann), Matješk (55. Čornak), Rudolf, Plaettner, Hrjehor, Bjeńš (81. Šiman), F. Domš (67. Lehmann), O. Domš
Na poslednju hru prěnjeje połserije dojědźechu sej Njebjelčenjo k něhdyšemu towarstwu swojeho trenarja Daniela Pohlinga.
Wote wšeho spočatka bě intensita wysoka a dwuboje běchu jara intensiwne. Na woběmaj bokomaj nasta wjele foulow. Mustwje běštej jenak nastajenej. Wobě spytaštej ze spěšnymi akcijemi doprědka přińć a z dołhimi bulemi wrota docpěć. Atraktiwnych stafetow a rjenje wuhratych šansow bě skerje mało. To zaležeše nic naposledk tež na špatnym trawniku, kiž bě hłuboki a njeruny. Na zakładźe wjacorych njewužiwanych šansow na woběmaj bokomaj wosta prěni połčas bjez wrotow. Njebjelčenjo pak mějachu w dotal wurunanej hrě nós zlochka prědku. Po foulu přećiwo Stefanej Bjeńšej w přećiwniskej šěsnatce měješe Plaettner samo šansu na nawjedowanje, a to z jědnatku. Zwrěšći pak na wrotarju, kiž bul wotwobara.
Serija dobyćow dale traje
ST Viktoria Worklecy 92 –
VfL Pirna-Copitz 3:2 (25:23; 16:25; 23:25; 25:15; 24:22)
Zawěsće najćeša hra dotalneje sezony čakaše na druhim domjacym hrajnym dnju na młodych dźiwich z Worklec. Mustwo z Pirny je loni nimale wšitke hry dobyło a minjenu hrajnu dobu na druhim městnje zakónčiło. Z tym běchu jasny faworit. Za domjacych pak tuchwilu derje běži, tak, zo so tež tajkeho nadawka njenaboja.
Tuž startowachu hnydom zmužiće do prěnjeje sadźby a překwapichu hosći ze sylnymi nadaćemi a spěšnymi nadběhami. Na tamnym boku njejsu hišće prawy rytmus namakali. Dwě dołhej seriji nadaćow Józefa Krawca a Šćěpana Wjeńki staraštej so wo komfortabelny předskok wosom dypkow. Poprawom jednaše so nětko jenož hišće wo formalitu. Tola hosćo nachwatachu hnydom sydom dypkow za sobu a tak skónči so prěnja sadźba snadna 25:23 za domjacych.
Prěnje koparske mustwo Sportoweho towarstwa Porchow je njedźelu we ...
Dalši wulki wuspěch za Pančičanow
ST Marijina hwězda –
ST Kubšicy 4:1 (3:0)
Zestawa domjacych: D. Matik – R. Cyž, T. Jurš, K. Pakoßnick, E. Zynda, Ch. Cyž, F. Bulank, J. Kuring, M. Wróbl (60. J. Ladewig/79. E. Bulank), J. Pakoßnick, F. Peschmann (73. R. Wende)
Po přihrawce Jakoba Pakoßnicka měješe Christof Cyž prěnju wulku móžnosć, z hłowu hižo zahe nawjedowanje docpěć. Po foulu na Maćiju Wróblu dósta domjacy cyłk wólny kop přizwoleny. Florian Bulank jón w formje flanki do šěsnatki přinjese. Ch. Cyž steješe prawje a bul z něhdźe 10 metrow zdalenosće do kašćika kopny (18.). Jeho bratr Ronald měješe jenož šěsćdźesat sekundow pozdźišo šansu mjezywuslědk wutwarić. Swobodnje pak wón bul ze zdalenosće 20 metrow snadnje nimo wrotow zhłójčkowa. Zmylk w natwarje hosći domjacy cyłk wuži. Kapitan Cyž połojcu přećiwniskeho škita sam wuhra a wotpołoži bul na J. Pakoßnicka, kotryž kulu mudrje do praweho róžka zaměstni (32.). Jenož tři minuty pozdźišo móžachu znowa wyskać. Jakobus Paul Kuring namaka po dribblingu Falka Peschmanna, kotryž wrotarja z třělwu mjez nohomaj přelesći. To běše wobhladanja hódny prěni přechod z wida módro-žołtych.
Wólny kop hru rozsudźił
SJ Chrósćicy –
ST Hnašecy/Dobruša 0:1 (0:1)
Zestawa domjacych: M. Cyž – Zynda (85. Mark), F. Cyž, Młynk, Dźisławk, L. Zahrodnik, Hawš, G. Zahrodnik, Graf (60. Bjeńš), Wornar (60. Šiman), Bogusz (85. Rätze)
Njedźelu běše z Hnašecami/Dobrušu znowa mustwo z načolneje skupiny z hosćom w Chrósćicach. Tuta hra njebě prěnja mjez cyłkomaj, wšako dobychu hosćo w pokalnej hrě jasnje přećiwo Chróšćanam.
Chróšćenjo w Kulowje dobyli
Módro-běli Kulow –
SJ Chrósćicy 0:1 (0:1)
Zestawa domjacych: Franz – Hančka (67. Kowalick), Langa, Korch, Kocor, Koplanski (90. Woko), Kisch (55. Bulank), Wehlan, Wittek, Nicolaides, Bergmann
Zestawa hosći: Škoda – Zynda, F. Cyž, Młynk, Dźisławk, L. Zahrodnik (63. Graf), Hawš, G. Zahrodnik, Bogusz (88. Mark), Kral-Zahrodnik (9. Handrik, 81. Rätze), Šiman (68. Wornar)
W Kulowje wotmě so derby mjez koparjemi z Kulowa a Chrósćic. Kulowčenjo su zašłej hrě za sebje rozsudźić móhli a stejachu w tabulce před hosćimi. Chróšćenjo pak hižo wot štwórteho hrajneho dnja wo dobyće wojowachu.
Hrajny rytmus njenamakali
Rakečanske ST –
Sokoł Ralbicy/Hórki 3:1 (1:0)
Zestawa hosći: Schöne – B. Heidorn (83. L. Heidorn), P. Woko, Wałda, Mikławšk (33. D. Šołta), Gloxyn, B. Bejma, Rachela, A. Woko (46. Šewc), N. Šnajder (78. Hicka), R. Šnajder (46. Korjenk)
Na derby dojědźechu sej Ralbičenjo do Rakec. Runje tak kaž přećiwo Kulowej pak njenamakachu prawy hrajny rytmus a mějachu ćeže, swójsku hru natwarić.
Hosćićeljo startowachu derje do hry a w prěnjej štwórć hodźinje dyrbješe Delanski wrotar trójce zakročić. W 15. min. buchu hosćo po róžkach strašni. Rakečenjo pak bul po mjerwjeńcy z wrotoweje linije škrabnychu. Nětko so Sokoljo pomału do hry namakachu a Niklas Šnajder doběža na prawej stronje hač na zakładnu liniju, njenamaka pak žanoho sobuhrajerja. Z rjanej třělwu docpěchu hosćićeljo wažne nawjedowanje (28.). Joshua Nathe třěli z něhdźe 35 metrow na wrota, hdźež bul w swislach zadyri. Na to trenar Krystof Gloxyn hnydom reagowaše a zaměni nazhoniteho Dirka Šołtu, zo by w srjedźnym polu wjace kontrole docpěł. Ralbičenjo spytachu spěšnje wotmołwić. Ze snadnym zastatkom dźěše do kabiny.
Serbja a Češa so znowa w Praze zetkali
Praha. W Praskim Serbskim seminarje dožiwichmy sobotu jedyn z tych dnjow, kiž móžemy jako dźiw hódnoćić. Cyły dźeń bě dom połny ludźi a planowany program wudospołnichu připadne abo krótkodobnje dorěčane poskitki. Rano wotstajichu na dworje seminara koparjo Sokoła Ralbicy/Hórki swoje awta, dokelž chcychu w Praze dobyće wokrjesneho mišterstwa woswjećić. Dźewjatnaće čłonow Ralbičanskeho teama starych knjezow bě lědma do njedalokeho hotela so přizjewić wotešło, to dóńdźe něhdyši předsyda Towarstwa přećelow Serbow, prof. Petr Kaleta, ze swojimi chowancami. Skupinje studentow stawiznow na Techniskej uniwersiće w Liberecu chcyše wón serbske zetkawanišćo pokazać. „Knjez profesor bě překwapjeny, kak smy so na jeho wopyt přihotowali. Zdobom skupinje to samsne poskićichmy, štož kóždy dóstanje: čaj, kofej, tykanc a přećelske słowo“, rjekny čłonka předsydstwa towarstwa Eliška Oberhelová.
