Pišćałkowa hudźba na hrodźe

Njeswačidło. Druhi hrodowy koncert w Njeswačidle wotměje so njedźelu, 21. junija, w 15 hodź. Na wopytowarjow čaka pišćałkowa hudźba wot klasiki hač k popej. Štyri hudźbnicy z Budyskeho wokrjesa zawjesela publikum z lóštnym lětnim koncertom. W „Quartetto Giocondo“ hraja Ines Seeliger, Hanka Tiedemann, Thea Hanspach a Jasčanka Marlis Fryčowa. Njeswačanske towarstwo přećelow kultury a domizny wjeseli so na mnohich hosći.

9. serbska čitanska nóc

Budyšin. Mjeztym je hižo z dobrej tradiciju, zo přewjedujetej Rěčny centrum WITAJ a Němsko-Serbske ludowe dźiwa­dło za zahoritych čitarjow 3. a 4. lětnika na kóncu šulskeho lěta čitansku nóc. Wšitcy přizjewjeni mali čitarjo zetkaja so pjatk, 19. junija, w 19 hodź. ze swojim spanskim měchom a z najlubšej serbskej dźěćacej knihu w Dźiwadle na hrodźe. Na wobdźělnikow čaka zaso zabawna nóc z tójšto překwapjenkami.

Wo wuwiću Kuby

18.6.–24.6.2015: Poltergeist: wšědnje 20:45 hodź. | pj a so 22:45 hodź. Ted 2: předpremjera srj 19 hodź. Rico, Oskar und das Herzgebreche: wšědnje 17 hodź. (nimo srj) | pj, so, nj a wu 14:30 hodź. | srj 16:30 hodź. | nj 12:30 hodź. Jurassic World: hodź. 14:15 hodź. (nimo štw, a srj), 17:15 a 20 hodź. | pj a so 22:30 hodź. | w 3 D Miss Bodygard: wšědnje 16:30 hodź. Pitch Perfect 2: wšědnje 14:45 hodź. (nimo štw a srj) a 18:30 hodź. Spy – Susan Cooper Undercover: wšědnje 19:30 hodź. (nimo srj) | štw, so, wu a srj 16:45 hodź. | pj a so 22 hodź. A World Beyond: pj 16:45 hodź. Honig im Kopf: nj 16:45 hodź. Ostwind 2 – Rückkehr nach Kaltenbach: wšědnje 14:15 hodź. (nimo štw a srj) | nj 12:30 hodź. Tinkerbell und die Legende vom Nimmerbiest: nj 12:30 hodź. | w 3 D San Andreas: wšědnje 19:30 hodź. | w 3 D Mad Max: pj a so 22:30 hodź. Shaun das Schaf: nj 12:30 hodź.

Kino Ekstra: Nur eine Stunde Ruhe: pó 14:45, 17:15 a 20:15 hodź.

Radźićeljo so zetkaja

Chrósćicy. Wopłóčki w Nuknicy budu jedna z temow na posedźenju Chróšćanskeje gmejnskeje rady jutře, štwórtk, w 19.30 hodź. w sydarni „Łužica“. Radźićeljo chcedźa přepodać nadawk k zatwarej wopłóčkoweje jamy při Nukničanskim towarstwowym domje. Dale ma na posedźenju hić wo dźěłowe městno gmejnskeho dźěłaćerja.

Worklecy. Z wobtwarjenskim planom za Kozarčanski puć we Worklecach zaběra so tamniša gmejnska rada, kotraž schadźuje so tohorunja jutře w 19.30 hodź. w šuli „Michał Hórnik“. Nimo toho změja radźićeljo wjacore twarske naležnosće rozrisać. Wobě posedźeni stej zjawnej a wobydlerjo su tuž přeprošeni.

Za dźěłarničku so přizjewić

Biblioteka zdźěla zawrjena

Budyšin. Twarskich dźěłow k polěpšenju wohnjoškita dla hodźi so Budyska měšćanska biblioteka přichodne tydźenje jenož we wobmjezowanej měrje wužiwać. Wot wčerawšeho hač do 10. julija wostanje wotrjad za wěcnu literaturu zawrjeny. Wšitke tamne wobłuki su dale přistupne. Pućowanska literatura za dowol steji přechodnje w čitanskej žurli. Wot 13. julija hač do 7. awgusta budźe biblioteka­ dospołnje zawrjena, wot 10. awgusta pak po wšěm zdaću zaso na zwučene­ wašnje přistupna. Dźěćaca a młodźinska biblioteka kaž tež online-wupožčowanje wot twarskich dźěłow potrjechenej njejstej.

Płuwać wuknyć

Kulow. W lěću je zaso móžno w Kulowskej lěsnej kupjeli w prěnich štyrjoch prózdninskich tydźenjach płuwać wuknyć. Za wuspěšny kurs stej znajmjeńša dwaj tydźenjej trěbnej. Nadrobniše informacije podawa kupanski mišter Uwe Mickel pod telefonowym čisłom 0177/ 533 02 08.