„Kófer žiwjenja“ wosebite wubědźowanje dobył

pjatk, 21. junija 2019
artikl hódnoćić
(0 )
Florian Miersch, wučer Matthias Oswald a Erik Petsch (wotlěwa) su za Wojerowski Johanneum myto za „Kófer žiwjenja Brigitty Wilfert“přijeli.  Foto: Silke Richter Florian Miersch, wučer Matthias Oswald a Erik Petsch (wotlěwa) su za Wojerowski Johanneum myto za „Kófer žiwjenja Brigitty Wilfert“přijeli. Foto: Silke Richter

Wojerecy (SiR/SN). Lětuše mjeztym 4. mjezy překročace wubědźowanje „Ćěkańca, wuhnaće a integracija“ je zakónčene. Hłowne myto zawěsćichu sej šulerjo 9. lětnika Wojerowskeho křesćanskeho gymnazija Johanneum. Woni běchu so we wobłuku profiloweje wučby zaběrali z temu „Ćěkańca – wuhnaće a migracija“ a pobychu na ekskursiji w Narćanskim wopomnišću něhdyšeho lěhwa Elsterhorst. Tam zeznachu Brigittu Wilfert, kotraž bě ze zapadopruskeho Marienburga do Wojerec ćěkała. Pod nawodom wu­čerja Matthiasa Oswalda su so z geogra­fiju, regionalnymi stawiznami, wuměłstwom, kulturu, ćěkanjom a wuhnaćom w Druhej swětowej wójnje a z dźensnišim pólskim Malborkom rozestajeli. Wuwili su woni „Kófer žiwjenja Brigitty Wilfert“. Tón ma so do wučby integrować. „Žiwjenje časoweje swědki bě nam jara bliske. To maja tež přichodne generacije zhonić“, rjekny šulerka Jana Wiemann.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND