Politiske kubłanje šulerjow sylnić

pjatk, 28. junija 2019
artikl hódnoćić
(0 )

Drježdźany (SN/MiR). Na sakskich šulach płaća w nowym šulskim lěće nowe wučbne plany. Wone sylnja předewšěm politiske a medijowe kubłanje na wšitkich powšitkownokubłacych wyšich šulach a gymnazijach w swobodnym staće.

Kultusowy minister Christian Piwarz (CDU) rjekny na předstajenju wučbnych planow srjedu w Drježdźanach: „Wobchad z pluralitu a digitalizaciju w towaršnosći, reakcije na klimatiske změny kaž tež dalše wobstaće přirodnych resursow prašenja do přichoda. Te maja so we wučbje wobšěrnje wobjednawać.“

Wot awgusta změja wuknjacy 7. a 8. lětnika wyšeje šule winowatostnu ho­dźinu towaršnowěda/prawniske kubłanje. Na gymnaziju předmjet towaršnowěda wěda/prawniske kubłanje/hospodarstwo hižo wot 7. lětnika podawaja. Analyzowanych, pohódnoćenych a předźěłanych je mjeztym 90 fachowych wučbnych planow za zakładne, wyše a spěchowanske šule kaž tež gymnazije.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND