Wažnu etapu žiwjenja docpěli poručenje

póndźela, 01. julija 2019
artikl hódnoćić
(0 )
Annabell Mehnertec, Luiza Šubertec a Halina Pohončec (wotprawa) su najlěpše maturantki lětušeho wotchadneho lětnika Budy skeho Serbskeho gymnazija. Šulski nawoda René Wjacławk (nalěwo) je jim wuswědčenja přepodał.  Foto: Matej Dźisławk Annabell Mehnertec, Luiza Šubertec a Halina Pohončec (wotprawa) su najlěpše maturantki lětušeho wotchadneho lětnika Budy skeho Serbskeho gymnazija. Šulski nawoda René Wjacławk (nalěwo) je jim wuswědčenja přepodał. Foto: Matej Dźisławk

Abiturienća měli do swěta hić a to najlěpše domoj do Łužicy sobu přinjesć

Budyšin/Chrósćicy (SN/MiR). 69 z 72 lětušich maturantow Serbskeho gymnazija Budyšin je pruwowanja wobstało a přija sobotu w Chróšćanskej „Jednoće“ swoje abiturne wuswědčenja, kotrež jim šulski­ nawoda René Wjacławk přepoda. Dźewjeć maturantow měješe přerězk 1,5 abo lěpši. Annabell Mehnertec z Budyšina docpě přerězk 1,2. Najlěpšej běštej Halina Pohončec z Wotrowa a Luiza Šubertec z Kamjenca z přerězkom 1,1. Předsydka spěchowanskeho towarstwa gymnazija dr. Cordula Ratajczakowa rjekny: „Čuju so z tymle lětnikom wosebje zwjazana. Wšako smědźach z nim zhromadnje za slědźerski projekt dźěłać.“ Wona přepoda wšitkim dźewjećom lětny abonement kulturneho časopisa Rozhlad.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND