Hakle po prózdninach změja wšitcy přehlad censurow w rukomaj
Drježdźany/Budyšin (SN/MiR). Skrótšene zymske prózdniny so jutře započnu. Na swoje wuswědčenje pak ma wjetšina šulerjow hišće čakać. Kaž sakske ministerstwo za kultus (SMK) na naprašowanje Serbskich Nowin zdźěli, budu dokumenty wo wuwiću a wukonach dźěći a młodostnych hakle 10. februara wustajene. Zasady a měritka w zwisku z přepodaćom wuswědčenjow je SMK na swojim internetnym blogu pod hesłom „kultusowe ministerstwo twori wolóženja za šulerki a šulerjow“ wozjewiło.