Móža duplikat měć poručenje

srjeda, 15. septembera 2021
artikl hódnoćić
(0 )

Budyšin/Radwor (SN/MiR). Ličba infekcijow mjez wuknjacymi kaž tež wuwučowacymi w šulach Sakskeje je po lětnich prózdninach snadna. Na to pokazuja antigenowe samotesty, kotrež běchu w prěnim šulskim tydźenju na kubłanišćach přewjedli. Tuchwilu su tam šulerjo, wučerjo kaž tež sobudźěłaćerjo winowaći so trójce wob tydźeń testować. Jeničce dospołnje wustrowjeni a šćěpjeni to njetrjebaja. Na serbskich šulach je samozrozumliwe, zo wuknjacy, wučbu podawacy a dalši přistajeni prěnjej dwě njedźeli aktualneho šulskeho lěta nahubniki w hodźinach a na přestawce wužiwaja.

„Nastupajo plan hygieny orientujemy so při wšěch rozsudach a jednanjach na prawidła we wobłuku AHA a 3G. To wjele wotpopaduje“, rozłožuje nawodnica Radworskeje wyšeje šule Dr. Marja Grólmusec“ Diana Wowčerjowa. Na postajenja testowanja so na kubłanišćach kruće dźerža. Hižo sčasom běchu šulerjo a jich starši wo přikazanym wužiwanju nahubnika informowani. W Radworju su to z pomocu platformy Lernsax zdoko­njeli, 5. lětnik pak bu z listom informowany. Prěni šulski dźeń je wučer šulerjow powučił.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND