Direktorka Radworskeje wyšeje šule za předźěłanje koncepta 2plus

Radwor (SN/MG). Radworska wyša šula je jedna ze serbskich wyšich šulow. Na to je direktorka kubłanišća, Diana Wowčerjowa, jara horda: „Smy serbska šula a nochcemy być šula ze serbskorěčnym poskitkom“. Zdobom pak wojuje wyša šula wo maćernorěčnych serbskich šulerjow. Zo z nich lětsa žanoho jeničkeho do noweho pjateho lětnika přiwzać njemóža, to ma po měnjenju Wowčerjoweje wjacore přičiny: „Mnohe dźěći su kubłanske doporučenje za gymnazij dóstali, druhe su so z infrastrukturnych přičin za Budyšin rozsudźili.“