SŠT chce wučerjam planowanje pućowanskich dnjow wolóžić

Budyšin (SN/MiR). Přichodnje změja sej wučerjo lóšo, pućowanski dźeń za swojich šulerjow planować. „Załožba za serbski lud je nam financielne srědki za wuwiće pućowanskeje přiručki přizwoliła“, rjekny jednaćel Serbskeho šulskeho towarstwa (SŠT) Andreas Ošika, „podamy wšitke trěbne informacije wo tym, kak šulske rjadownje swój cil namakaja, što po puću zajimawe nadeńdu a na kotre wobstejnosće maja so nastajić.“ Zwjetša wšak wučerjo w swojim přihotowanskim tydźenju na nowe šulske lěto wo pućowanskich dnjach rěča. Ideja SŠT na kóncu tohole šulskeho lěta móže za nich w lětnich prózdninach z inspiraciju być.