Rěč dawa dorostej korjenje poručenje

pjatk, 13. nowembera 2026
artikl hódnoćić
(0 )
Na kubłanskej konferency we Wojerecach je fachowa poradźowarka Serbskeho šulskeho towarstwa Helena Kralowa (nal.) na přikładźe Němčanskeje pěstowarnje „Pumpot“ hódnotu dwurěčneho kubłanja znazorniła. Swoje nazhonjenja z tym přinošowaše nawodnica horta Wojerowskeje zakładneje šule „Handrij Zejler“ Nadine Wojtowiak.  Foto: Katrin Demczenko Na kubłanskej konferency we Wojerecach je fachowa poradźowarka Serbskeho šulskeho towarstwa Helena Kralowa (nal.) na přikładźe Němčanskeje pěstowarnje „Pumpot“ hódnotu dwurěčneho kubłanja znazorniła. Swoje nazhonjenja z tym přinošowaše nawodnica horta Wojerowskeje zakładneje šule „Handrij Zejler“ Nadine Wojtowiak. Foto: Katrin Demczenko

Posrědkowanje serbšćiny bě tema na kubłanskej konferency we Wojerecach

Wojerecy (KD/SN). Wot měšćanskeho zarjadnistwa Wojerecy organizowana kubłanska konferenca 2026 je minjenu wutoru kubłarjam, wučerjam, ale tež zarjadnišćam kaž pěstowarnjam, šulam a institucijam za powołanske a za kubłanje dorosćenych kaž tež jich partneram składnosć dała, swoje projekty we Wojerowskej Łužiskej hali předstajić. Do kruha akterow słušachu tež kubłanišća, w kotrychž serbšćinu posrědkuja. „Sobudźěłaćerjam dwurěčnych pěstowarnjow, šuli ‚Handrij Zejler‘ a jej přizamknjenemu hortej je posrědkowanje serbšćiny a kultury Serbow w běhu lěta najwažniši dźěłowy nadawk“, rjekny Helena Kralowa, fachowa poradźowarka Serbskeho šulskeho towarstwa, předstajejo dźěławosć Němčanskeje pěstowarnje „Pumpot“. „Wuwučowanje wobeju rěčow, serbšćiny a němčiny, wotměwa so po metodźe imersije, to rěka, zo rěči kubłar konsekwentnje jednu rěč.“ Helena Kralowa potwjerdźowaše zamołwitosć staršich, jako přikład skutkować.

wozjewjene w: Kubłanje
wjace z tohole wobłuka: « Słódke wjeselo a zasowidźenje
Prošu přizjewće so, chceće-li komentar podać

LND onlineshop 2026

Nowe poskitki LND namakaće w lětušim wudaću Nowinkarja!

Nowinkar 2026-27

HSSL25

Chróšćan Šulerjo

Midas Logo