Serbšćina na kopanišću ma kóždemu samozrozumliwa być
Zašły tydźeń dósta Jurij Bjeńš wot Tadeja Cyža-Njebjelčanskeho pjeć prašenjow, dźensa Clemens Škoda, trenar koparskeho dorosta Sportoweho towarstwa Marijineje hwězdy.
Zaso je přestawka w amaterskim sporće. Kak z njej we wašim towarstwje wobchadźeće?
C. Škoda: Mam zrozumjenje za naprawy. Spytam měrny wostać, postajenja tak derje kaž móžno wobkedźbować a sej naladu kołowokoło sebje dobru dźeržeć. Z rańšim žorćikom je druhdy hižo wjele pomhane. Swary ničo njepomhaja. Naše towarstwo běše po prěnim lockdownje spěšnje zaso aktiwne, a trenowach z młodźinu F w dwěmaj skupinomaj w časowych wotstawkach hač do prózdnin. Derje tež bě, zo dóstachmy w tym času krótkodobnje přeprošenje z Hornjeho kraja (Oberland) na turněr do prózdnin, tak zo móžachmy skepsanu sezonu tola někak hódnje zakónčić. Po lětnjej přestawce startowachmy derje přihotowani samo z dwěmaj mustwomaj młodźiny E a mějachmy štyri dypkowe hry. Bohužel dyrbjachmy do dalšeje nuzoweje přestawki. Tak to je.
Kotre kmanosće a kajkosće dyrbi wustojny dorostowy trenar měć? Što je w treningu z dźěćimi wažne!
Sudnicy dwělomnu rólu hrali
EC Bad Nauheim – Łužiske liški 4:2 (0:0, 0:2, 4:0)
Po dwutydźenskej přestawce za Łužiske lodohokejowe liški, cyły team běše koronapandemije dla w karantenje, su Běłowodźenjo minjeny pjatk wječor w Bad Nauheimje wo dalše dypki wojowali. Nažel pak hišće někotři hrajerjo pobrachowachu, a domjacy dźěchu tež jako faworit do hry. Hnydom přewzachu komando a wuhrachu sej prěnje dobre šansy. Tola wrotar Mac Carruth a pólni hrajerjo Liškow je w poslednim wokomiku znješkódnichu. Hakle dwě mjeńšinje do prěnjeje sireny so tež wone prěni raz cyle strašnje před Bad-Naunheimskimi wrotami pokazachu. Tola dobra třělwa dźěše jenož na žerdź. Bjez wrotow dźěštej mustwje do prěnjeje přestawki.
Sakski koparski zwjazk staja sej nowe cile za hrajny plan
Digitalnu widejokonferencu je 11. decembra předsydstwo Sakskeho koparskeho zwjazka (SFV) přewjedło. Hačrunjež njeje móžno njewěsteho korona-połoženja dla konkretne naprawy wobzamknyć, su so na sćěhowace dojednali: Wšitke wuběrki kaž tež prezidenća wšěch wokrjesow a městow su so na minimalny cil wšitkich starobnych klasow dojednali, kak měli sezonu 2020/2021 dale wjesć.
Po móžnosći dyrbjeli jednore koło ze wšitkimi hódnoćenjemi wuhrać (mišter, zestup- a postup). Wuhrać dospołne prěnje koło je minimalne wuměnjenje za hódnoćenja. Nimo toho dyrbja pokalne wubědźowanja dokónčić. Wotwisnje wot koronoweho połoženja a sylnosće staflow maja wjednicy jednotliwych staflow tež fleksibelne modele w pozadku. Ručež budu koparske partije zaso dowolene, chce SFV konkretne naprawy wobzamknyć. Volkmar Beier, předsyda hrajneho wuběrka SFV: „Wažne je, zo smy so hižo nětko na zhromadny puć dojednali a smy přihotowani, hdyž so situacija wolóži. Přeju wšitkim towarstwam w tymle njezwučenym hodownym času strowotu. Wostańće krući a wutrajni.“ Maik Brězan
Wuslědki (15.12.20)
Statistika DEL2
tabulka DEL2 – cyłkowne hódnoćenje
1. Ravensburg Towerstars 11 25 48:28
2. EHC Freiburg 11 22 49:34
3. EC Bad Nauheim 11 22 41:37
4. EV Landshut 10 17 42:38
5. EC Kassel Huskies 9 16 29:24
6. Bietigheim Steelers 9 15 38:32
7. LP Crimmitschau 10 15 35:32
8. Lawy Frankfurt 11 15 32:37
9. Łužiske liški 8 11 22:30
10. Tölzske lawy 5 9 23:17
11. Drježdźanske LL 11 9 23:40
12. Tigry Bayreuth 9 7 23:37
13. Sokoły Heilbronn 6 5 17:30
14. ESV Kaufbeuren 7 4 31:37
tabulka DEL2 – domjaca tabulka
1. EC Bad Nauheim 6 18 31:12
2. EHC Freiburg 6 16 31:16
3. Lawy Frankfurt 6 14 23:15
4. Ravensburg Towerstars 5 11 23:13
5. Bietigheim Steelers 6 10 27:22
6. EC Kassel Huskies 5 10 15:11
7. EV Landshut 4 9 15:9
8. LP Crimmitschau 6 9 25:21
9. Drježdźanske LL 5 8 13:12
10. Łužiske liški 3 7 8:7
11. ESV Kaufbeuren 3 4 18:14
12. Tölzske lawy 3 4 12:10
13. Tigry Bayreuth 4 1 10:20
14. Sokoły Heilbronn 2 0 7:13
tabulka DEL2 – wonkowna tabulka
1. Ravensburg Towerstars 6 14 25:15
2. EV Landshut 6 8 27:29
3. EC Kassel Huskies 4 6 14:13
4. EHC Freiburg 5 6 18:18
5. LP Crimmitschau 4 6 10:11
6. Tigry Bayreuth 5 6 13:17
7. Tölzske lawy 2 5 11:7
8. Bietigheim Steelers 3 5 11:10
9. Sokoły Heilbronn 4 5 10:17
10. Łužiske liški 5 4 14:23
11. EC Bad Nauheim 5 4 10:25
12. Lawy Frankfurt 5 1 9:22
13. Drježdźanske LL 6 1 10:28
14. ESV Kaufbeuren 4 0 13:23
wuslědki lodohokoweje ligi DEL2
Łužiske liški – Lawy Frankfurt 2:1
Bietigheim Steelers – Ravensburg 3:8
ESV Kaufbeuren – Bayreuth Tigers4:6
Eisp. Crimmitschau – Bad Nauheim 5:1
EHC Freiburg – EV Landshut7:3
Z poražku do přestawki
HZ Łaz/Běły Chołmc II – HZ Mały Wosyk/Marijina hwězda II 3:2 (1:2)
Zestawa hosći: Matik – Mothes, Jehnichen, Šołta, Kral (83. Hoge), K. Pakoßnick, Pjetaš, Zelnak, Čornak, Langer, Ladewig (42. Al Hayali)
Do druheje přestawki koronapandemije dla bě so rezerwa klóšterskich koparjow, kotraž ma hrajne zjednoćenstwo z Małym Wosykom, k runohódnemu kontrahentej z Łaza/Běłeho Chołmca podała.
Dwanatkarjo SGB wuspěšni
Pod motom „Budyšin so hiba – nětko ćim bóle!“ je Budyski MSV 04 wubědźowanski běh, tak mjenowanu „šulsku challenge 2020“ organizował. Wón měješe narunać planowany Budyski měšćanski běh w septembrje, kotryž běchu koronawirusa dla wotprajili. Tež dwanatkarjo Serbskeho gymnazija Budyšin su so nětko z wulkim wuspěchom na běhu wobdźělili.
Minjeny štwórtk podźakowa so hłowny organizator Budyskeho měšćanskeho běha Steffen Waldmann wuspěšnym šulerkam a šulerjam 12. lětnika SGB za jich angažement na wubědźowanskim běhu šulow a přepoda jim w sportowej hali Serbskeho šulskeho a zetkawanskeho centruma Budyšin wopisma a pjenježne myta. Na mjenowanym wubědźowanju mějachu młodostni nadawk, w dwanaće mjeńšinach tak wjele metrow kaž móžno naběhać. A rezonanca bě njesměrnje wulka. Wšako wobdźěli so cyłkownje 1 294 šulerjow a šulerkow z 73 rjadownjow dwanaće startowacych šulow. Dohromady naběžachu woni cyłkownu čaru nimale 2 480 kilometrow.
Widźał, słyšał, napisał (14.12.20)
Mnozy z nas maja adwentny kalender, a to w najwšelakorišich formach a wersijach. Z adwentnym kalendrom skrótšimy sej čas čakanaja na hody, a wjeselo bywa dźeń a wjetše. Dohodowny čas je wosebje za dźěći zajimawy, dokelž móža kóždy dźeń woknješko adwentneho kalendra wočinić.
Ale tež za lubowarja sporta je tójšto kalendrow, na přikład z wobrazom najlubšeho towarstwa – wězo pjelnjeny ze šokolodu. Ale nic jenož tajki. Sama mam na přikład fitnesowy adwentny kalender pod motom „fit a čiły w dohodownym času“. Za kóždym woknješkom tči wosebity trening z třomi do štyrjomi wšelakimi zwučowanjemi. Trening njetraje dlěje hač 15 minutow, a tak móžu sej hdys a hdys bjez hubjeneho swědomja poprjančki a skibku wosuška słodźeć dać.
Sport (11.12.20)
Kartku za sezonu sej zawěsćić
Wodoskijowa připrawa Wake and Beach w Brězowce (Halbendorf) je drje tučasnje zawrjena, wjacorych naprašowanjow za lětnymi kartkami pak wona tole wozjewja: Zastupny lisćik za lěto 2021 płaći wot 1. meje do 3. oktobra. Dźěći do 15 lět płaća 395 eurow, šulerjo a acubije 495 a dorosćeni 695 eurow. Nowosć klětu budźe, zo płaća wšitke žony 555 eurow. Štóž sej lětnu kartku hač do 18. decembra zawěsći, to rěka zapłaći, ma ju hišće hač do patoržicy dóstać a k tomu wosebity pulower.
Klětuše terminy MX Masters
Tež klětu ma so motocrossowa serija ADAC MX Masters zaso přewjesć. Wona změje cyłkownje sydom wubědźowanskich terminow.
08.05.–09.05.21 Dreetz
26.06.–27.06.21 Reutlingen
03.07.–04.07.21 Bielstein
17.07.–18.07.21 Tensfeld
14.08.–15.08.21 Möggers/Awstriska
04.09.–05.09.21 Fürstlich Drehna
11.09.–12.09.21 Gaildorf
Běhanski adwentny kalender
Wot 1. do 24. decembra přeprošeja organizatorojo tak mjenowaneho Skatstadt-marathona k běhanskemu adwentnemu kalendrej. Přizjewjenja su pod www.baer-service.de móžne. Dobyćerjow prezentuja zamołwići kóždy dźeń w interneće.
Liški zaso na lodźe
Wubrane hrydale w telewiziji sćěhować
Koparske, wolejbulowe a dalše winowatostne dypkowe hry přewjeduja dale jenož w profijowym sporće, a to bjez přihladowarjow. Tak je to tež we wyšich wolejbulowych ligach. Wubrane hry pokazujetej telewizijny sćelak Sport1 a internetny poskićer sporttotal.tv. Tu někotre aktualne wolejbulowe tabulki, kotrež je Jurij Bjeńš zestajał.
Allianz MTV Stuttgart 9 8 26 : 6 25
Drježdźanski SC 8 6 18 : 7 18
SSC Palmberg Schwerin 8 6 22 : 12 18
SC Podstupim 9 6 20 : 13 18
VfB Suhl LOTTO Durinska 9 5 18 : 15 14
Čerwj. rapaki Vilsbiburg 6 4 13 : 8 11
NawaRo Straubing 8 3 11 : 18 9
Ladies in Black Aachen 7 2 11 : 18 7
VC Wiesbaden 8 2 11 : 22 6
USC Münster 8 1 8 : 23 4
Čorno-běłe Erfurt 8 1 7 : 23 2
1. zwjazkowa liga, mužojo
Berlin Recycling Volleys 8 6 19 : 6 18
SWD Powervolleys Düren 7 6 18 : 8 17
VfB Friedrichshafen 6 5 15 : 5 15
WWK Volleys Herrsching 8 5 19 : 14 15
Volleyball Bisons Bühl 6 4 15 : 9 13
Netzhoppers KW-Bestensee8 4 17 : 14 13
SVG Lüneburg 8 3 13 : 17 10
United Volleys Frankfurt 7 3 11 : 14 8
Helios GRIZZLYS Giesen 7 3 10 : 14 8
TSV Unterhaching 8 1 5 : 23 2
VCO Berlin 7 0 3 : 21 1
2. zwjazkowa liga, stafla sewjer, žony
TSV Bayer Leverkusen 11 11 33 : 6 32
DSHS SnowTrex Köln 12 10 33 : 11 29
Módro-běłe Dingden 9 6 24 : 15 20
Stralsunder Wildcats 11 6 22 : 18 19
SCU Emlichheim 10 6 21 : 17 17
VC Allbau Essen 8 6 18 : 12 16
ETV Hamburg 10 5 18 : 20 13
Skurios Volleys Borken 8 4 16 : 16 12
BBSC Berlin 6 3 10 : 11 9
SSF Fortuna Bonn 10 3 13 : 24 8
RC Sorpesee 10 2 11 : 26 7
Z kolesom na Pastwinu horu
Zo je wobrot předatych kolesow w minjenym třištwórć lěće přibył, njeje žane wulke potajnstwo. A zo je tak dźeń a wjace ludźi na dowolu z kolesom puću, je jedyn ze sćěhow koronapandemije. Wosebje kónc tydźenja wuhladaš přeco zaso kolesowarjow we Łužicy, tež nětko w nazymskim a zymskim času.
Wopisuju tule dźensa turu, na kotruž běch so spočatk nowembra nastajił. Wona je ze wšitkimi družinami kolesow derje zmištrujomna. Tak móžeš po njej z trekingowym, wubědźowanskim abo z kolesom za přezpólne jězby po puću być.
Započał je so mój wulět w Pančicach-Kukowje, zwotkelž jědźech po kolesowarskej šćežce přez Wudwor do Worklec a dale po asfaltowanej dróze do směra na Nowu Wjesku. Wottam dźěše runjewon nimo Hornjeho Hajnka do Róžanta a Smjerdźaceje. Při křižowanišću wotbočich nalěwo do lěsa na směr Němske Pazlicy, hdźež drje bě tróšku chłódnišo, za to pak skićachu štomy přijomny čerstwy powětr.
