Wotnětka pěši lěpje po měsće

srjeda, 14. oktobera 2015
artikl hódnoćić
(0 )
Wyši měšćanosta Alexander Ahrens, zamołwity za marketing města André Wucht a grafikar Ralf Reimann (wotlěwa) su wčera w Budyšinje prěnju stelu noweho wodźenskeho system za pěškow wotkryli.  Foto: Constanze Knappowa Wyši měšćanosta Alexander Ahrens, zamołwity za marketing města André Wucht a grafikar Ralf Reimann (wotlěwa) su wčera w Budyšinje prěnju stelu noweho wodźenskeho system za pěškow wotkryli. Foto: Constanze Knappowa

Nowe stele wodźenskeho systema dwurěčnje wuhotowane

Budyšin (CK/SN). Turisća w Budyšinje móža so nětko lěpje orientować. Wyši měšćanosta Alexander Ahrens (njestronjan) je wčera při parkowanskim domje „Centrum“ prěnju stelu noweho wo­dźenskeho systema za pěškow wotkrył. Wona je dwaj metraj wysoka, třiceći centimetrow šěroka, wobsteji z aluminija a je na woběmaj bokomaj němsce kaž tež serbsce popisana. Widźeć su na njej wotpowědny wurězk z měšćanskeho plana a pokiwy na bliske turistiske cile. Stela při parkowanskim dome wjedźe wopy­towarjow k nowej wodarni, k NSLDź, k dwórnišću a do stareho města. Přełožk do serbšćiny měješe Serbski institut na starosći. W času smartphonow rozsudźichu so za formu, z kotrejž móža so tež technisce mjenje zajimowani w měsće orientować, rjekny Alexander Ahrens. „Wažne je, zo so Budyšin za wopytowarjow hišće zajimawši stanje a zo swoje cile tež bjez techniskeje pomocy namakaš.“

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND