Město na zymu přihotowane

wutora, 17. nowembera 2015
artikl hódnoćić
(0 )

W Budyšinje su nowu techniku kupili a składy su ze selu a dalšimi srědkami derje pjelnjene. Při wšěm so město nadźija, zo sněh a lód hišće tróšku na so čakać datej.

Budyšin (CK/SN). Zyma móže přińć, znajmjeńša po wuprajenjach Marcela Mahlinga, wot 1. januara 2016 zasadźenski nawoda Budyskeje wobdźělenskeje a zawodoweje towaršnosće (BBB) a hižo nětko za organizaciju zymskeje słužby zamołwity. Kaž wón twarski wuběrk měšćanskeje rady tele dny informowaše, maja 210 tonow sele, 50 tonow magneziumchloridoweje kapaliny, a 175 tonow šplita na składźe. Po potrjebje móhli składy wudospołnjeć. Nimo toho su na dohromady 3 500 metrach podłu pućow sněhowe płoty nastajili. Dale napjelnichu w měsće 130 sudobjow při dróhach ze šplitom. Tež wobydlerjo móža sej pola BBB darmotnje šplit k sypanju na chódniki wotewzać.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND