Poslednje posedźenje gmejnskeje rady w lěće je stajnje składnosć, hižo raz mały wuhlad na přichodne lěto předstajić. To su tele dny tež radźićeljo w Dźěwinje (Groß Düben) činili.

Dźěwin (AK/SN). Ze swojimi financami je Dźěwinska gmejna lětsa solidnje hospodariła. „Mamy samo mały plus“, podšmórny komornica Carmen Petrick na lětušim poslednim posedźenju gmejnskeje rady. Dochodam 1,103 milionow eurow steja wudawki 1,081 milionow eurow napřećo. Nimale wšitke planowane naprawy su wotzamknjene. Najwažnišej běštej pře- a přitwar Brězowskeje pěstowarnje „Baćonjace hnězdo“.