Klóšter bróžnju zaso natwari

wutora, 19. apryla 2016
artikl hódnoćić
(0 )
Daniel Rychtar (nalěwo) a Frank Weigel staj za twar noweje klóšterskeje bróžnje (wobraz naprawo) sobu zamołwitaj.  Foto: mwe Daniel Rychtar (nalěwo) a Frank Weigel staj za twar noweje klóšterskeje bróžnje (wobraz naprawo) sobu zamołwitaj. Foto: mwe

So za cyhelowe murje na historiskim městnje rozsudźili

Pančicy-Kukow (SN/mwe). 3. oktobra 2009 so nawječor na klóšterskim dworje w Kukowje bróžnja paleše. Płomjenja běchu daloko widźeć, wjacore wohnjowe wobory z cyłeje wokoliny woheń tehdy zhašachu. Na kóncu pak so twarjenje, w kotrymž bě tež wowčernja zaměstnjena, dospołnje hač na zakładne murje wotpali. Mnozy wobydlerjo so nětko přez cyły čas prašachu, hač Pančičanski klóšter Marijineje hwězdy bróžnju scyła zaso natwari a hdyž, za čo chcył ju wužiwać. Štóž tele dny w Pančicach-Kukowje po Chróšćanskej dróze jědźe, widźi, zo so tam pilnje twari a zo na Kukowskim klóšterskim dworje nowa bróžnja nastawa. To je dospołne nowe twarjenje, ale cyle po tradicionalnym a historiskim wašnju. Po dokładnym přemyslowanju, pruwowanju a swědomitych jednanjach z wotpowědnymi instancami so zamołwići klóštra za tutu wariantu rozsudźichu. Daniel Rychtar, tam zamołwity za twarske naležnosće, Serbskim Nowinam praji,­ zo inwesticija něhdźe 220 000 eurow­ płaći.
wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND