Lěpša pomoc z helikopterom

pjatk, 29. julija 2016
artikl hódnoćić
(0 )
Nowy nastroj při helikopteru njewoloži jenož dźěło wuchowanskich pomocnikow, ale pomha tež strowtu a žiwjenje znjezboženych zachować. Foto: ADAC Nowy nastroj při helikopteru njewoloži jenož dźěło wuchowanskich pomocnikow, ale pomha tež strowtu a žiwjenje znjezboženych zachować. Foto: ADAC

Móžnosće wuchowanja w nuzowych padach dale wudospołnjene

Budyšin (UM/SN). Na Lětońskim lětanišću pola Budyšina zasadźeny helikopter ADAC hodźi so přichodnje za wuchowanske akcije z powětra hišće efektiwnišo zasadźeć­. Město dotalneho kruteho po­wjaza ma nětko wuchowansku powjazowu wijawu (Seilwinde). „Tale připrawa ma wjacore lěpšiny“, wujasnja pilot Olaf Iltzsche­. „Wuchowanske mustwo móže so tak wěsćišo a dokładnje wotsadźić.“ Wobsadka helikoptera a z njej wusko hromadźe dźěłaca Sakska hórska słužba liča wosebje za dźěło w Žitawskich horach a w Sakskej Šwicy z lěpšej a spěšnišej pomocu w nuzowych padach. „Z wijawu móžemy tež wosoby z wody, z njepřistupnych kónčin abo samo z wěžow abo milinowych wětrnikow wuchować“, Olaf Iltzsche rozłožuje, „dalša lěpšina je: Pacient hodźi so nětko direktnje do helikoptera zaměstnić, potajkim bjez dotalneho mjezypřizemjenja.“

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND