1,3 miliony eurow za móst

pjatk, 04. nowembera 2016
artikl hódnoćić
(0 )
Drježdźany (SN). Sakski statny sekretar Stefan Brangs je wčera Budyskemu wyšemu měšćanosće Alexanderej Ahrensej (njestronjan) a twarskej měšćanostce Julianje Naumann spěchowanske srědki 1,3 milionow eurow přizwolił. Pjenjezy su k dispoziciji za nowotwar železniskeho mosta nad Zeppelinowej w Budyšinje inkluziwnje wutwara B 156 wot Nowosólskeje hač k hasy Při pakowanišćach. „Komunalnu syć dróhow polěpšić je a wostanje wažny nadawk. Jenož lětsa podpěruje ministerstwo za wobchad dróho- a mostotwar w gmejnach z dohromady 189 milionami eurow. Ze spěchowanjom w Budyšinje móžemy tam wažnu twarsku naprawu podpěrać a zdobom k tomu přinošować, zo budźe wobchad za wšitkich wobdźělnikow wěsćiši“, Brangs rjekny. Za wobšěrny wutwar liča tuchwilu z kóštami 12,7 milionow eurow. Nowy wotrězk dróhi ma 18,95 metrow šěroki być, a wysokosć mosta pozběhnu na 4,50 metrow. Zwjazk, Swobodny stat Sakska, Němska železnica a město Budyšin sej kóšty dźěla.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND