Na slědach swjateho Hubertusa

wutora, 08. nowembera 2016
artikl hódnoćić
(0 )
Z fararjom Gabrišom Nawku (nalěwo) swjećachu jěcharjo w Koćinje nyšpor, prjedy  hač so na Hubertusowu hońtwu podachu.  Foto: Christian Schenker Z fararjom Gabrišom Nawku (nalěwo) swjećachu jěcharjo w Koćinje nyšpor, prjedy hač so na Hubertusowu hońtwu podachu. Foto: Christian Schenker

Koćina (BeW/SN). Stajnje sobotu po swjedźenju swjateho Hubertusa, 3. nazymnika, zetkawaja so lubowarjo koni z Horjan, Delan a němskich kónčin kaž tež z Grodka a Kinsporka k Hubertusowej hońtwje wokoło Kulowa. Minjenu sobotu bě jich něhdźe 70. Najmłódšej holčce w zakładnošulskej starobje ­jěchaštej na shetland-ponyjomaj. Najstarši jěcharjo běchu hižo w rentnarskej starobje. Tež 15 korejtow a kremserow bě pódla.

Swój dźeń zahajichu jěcharjo z krótkim nyšporom. Jako so na łuce wosrjedź Koćiny trochu miholeše, komentowaše tole Kulowski farar Gabriš Nawka jako žohnowanje swjateho Hubertusa. Wězo sedźeše tež farar Nawka na konju. Při přijomnym wjedrje podachu so jěcharjo a zapřahi po lěsnych pućikach z Koćiny do delnich Sulšec a Salowa. Při křižowanišću sydom pućikow posylnichu so z běrnjacej poliwku a blešku Kulowskeho piwa. Tón abo tamny wužiwaše přestawku, zo by sej někotre prawaki a marony k wječeri nazběrał.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND