Poskitki přiwzać

štwórtk, 20. decembera 2018
artikl hódnoćić
(0 )
Na Mjezynarodnym dnju migrantow, spočatk toho lěttysaca proklamowaneho wot UNO składnostnje róčnicy schwalenja (přeco hišće njeratifikowaneje) konwencije wo škiće prawow wšitkich wupućowarjow, wuhotowachu w Budyskim krajnoradnym zarjedźe mały swjedźeń. Zdobom počesćichu tam społnomócnjenu wokrjesa za naležnosće wukrajnikow Annu Piętak-Malinowsku za jeje mjeztym dźesaćlětne skutkowanje. Byrnjež čłowječi strowy rozum často dospołnje zanjechowace běrokratisko-zakonske postajenja jeje dźěło wobćežowałe, směmy jej wuběrne wuswědčenje wustajić. Runje čestnohamtske pola je njesprócniwje podworała, sama kaž tež mnohe towarstwa spěchujo a nam tak někotryžkuli přidatny a pisany kulturny wjeršk wobradźiła. Tam wšak přiwšěm stajnje samsne mjezwoča wuhladaš. Chcemy-li integraciju woprawdźe šěrić, měli „domoródni“ jeje poskitki hdys a hdys tež přiwzać. Bosćan Nawka

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND