W Brětni woheń hašeć dyrbjeli

wutora, 31. měrca 2020
artikl hódnoćić
(0 )
Wčera w 21.15 hodź. dyrbješe wohnjowa wobora do Brětnje/Michałkow jěć. Wottam bě telefonat dóstała, zo so tam hródź pali. Jako na městnosć dojědźechu, zwěsćichu wobornicy płomjenja na štyristronskim statoku a započachu hnydom hašeć. Tak su jich dalšemu rozpřestrěću zadźěwali. Přez woheń kaž tež při hašenju njeje so nichtó zranił. Njecyłu hodźinu po přijězdźe móžachu kameradojo ze swojej techniku zaso wotjěć. Policija nětko přičinu wohenja přepytuje. Foto: LausitzNews/Toni Lehder

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND