Dobry zazběh do prózdnin

póndźela, 20. julija 2020
artikl hódnoćić
(0 )
Postajenjow koronapandemije dla bě ličba wopytowarjow wikow wobmjezowana. Ale přiwšěm nahromadźi so na woběmaj dnjomaj wikow wjele ludźi, zo bychu so wot poskićenych rjemjesłow a wuměłstwa wobkuzłać dali. Hrodowy park je so jako kulisa za to wuběrnje hodźał.  Foto: Jan Kral Postajenjow koronapandemije dla bě ličba wopytowarjow wikow wobmjezowana. Ale přiwšěm nahromadźi so na woběmaj dnjomaj wikow wjele ludźi, zo bychu so wot poskićenych rjemjesłow a wuměłstwa wobkuzłać dali. Hrodowy park je so jako kulisa za to wuběrnje hodźał. Foto: Jan Kral

Wiki wuměłstwa w hrodowym parku witana wotměna w času korony

Njeswačidło (JK/SN). Hižo pjaty raz prezentowachu kónc tydźenja durinscy organizatorojo wuměłsko-rjemjeslniske wiki w přewšo přijomnej wokolinje Njeswačanskeho hrodoweho parka. W Sakskej su so wulke prózdniny započeli ­a mnohe swójby wužichu wiki, zo bychu so na dowolowy čas nastajili. Awtowe čisła wo tym swědčachu, zo so tu něšto wotměwa, štož ludźi zbliska, ale tež zdaloka přiwabja.

Wjedro ze wšěmi derje měnješe, a dokelž njeje lětsa tak suche kaž w minjenymaj lětomaj, běchu hrodowe łuki tež hišće rjenje zelene. Tuž so tam tež wjele wikowarjow zhromadźi. Přichwatali běchu zaso mnozy z nich, předewšěm rjemjeslnicy, zdźěla z rjemjesłami, kotrež mnohim hižo znate njejsu. Zastupjene běchu pčołarstwo, hornčerstwo, haj samo plećenje z witkami. Pjekarjo a rěznicy swoje regionalne chłóšćenki runje tak poskićachu kaž zahrodnicy a knihiwjazarjo. Mnozy z nich swoje rjemjesło na městnje praktisce předstajachu, štož wuwabi zajim hosći, wosebje pak dźěći.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND