Hordosć na Łužicu a na serbsku rěč budźić

štwórtk, 03. septembera 2020
artikl hódnoćić
(0 )
Gabriela Linakowa a Madeleine Matschke (zady wotprawa) stej Němčanskej pěstowarni njedawno dwurěčne T-shirty přepodałoj.  Foto: Andreas Kirschke Gabriela Linakowa a Madeleine Matschke (zady wotprawa) stej Němčanskej pěstowarni njedawno dwurěčne T-shirty přepodałoj. Foto: Andreas Kirschke

Němcy (AK/SN). 20 dwurěčnych T-shirtow je tele dny Němčanska Witaj-pěstowarnja „Pumpot“ w nošerstwje Serbskeho šulskeho towarstwa darjene dóstała. Přepodałoj staj je zamołwita za serbske naležnosće města Wojerec Gabriela Linakowa a Madeleine Matschke z marketingoweho towarstwa Swójbny region Hoy. Na T-shirtach steji mjez druhim „Něžny jandźel z Wojerec“.

Ideju měješe měšćanski marketing, kotrehož akterojo chcedźa tež serbsku rěč a identitu w měsće skrućić. „Smy swójbny region a chcemy, zo dalše swójby do Wojerec přićahnu“, rozłožuje Madeleine Matschke. Kóžde we Wojerecach nawonarodźene dźěćo tajki dwurěčny ­T-shirt abo lack dóstanje. Dohromady maja tuchwilu 700 na składźe, štož ně­hdźe lěto dosaha.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND