Po čiłej, z wobmyslenjemi pjelnjenej diskusiji je Budyski wokrjesny sejmik wčera přiměrjeny porjad wo wužiwanju a wo popłatkach sportowanišćow w nošerstwje wokrjesa wobzamknył.
Budyšin (SN/at). Sportowcy ćerpja pod wulkimi wobmjezowanjemi koronapandemije dla. A Budyski wokrjesny sejmik měješe so na swojim wčerawšim posedźenju w Budyskej „Krónje“ zaběrać z temu, přiměrić porjad wo wužiwanju a wo popłatkach za sportowanišća w nošerstwje wokrjesa. Wokrjesna radźićelka AfD Cordula Gneuß rěčeše wo „předłoze w najnjepřihódnišim wokomiku“.