Wěstota šulerjow wažna

štwórtk, 24. februara 2022
artikl hódnoćić
(0 )

W měrcu započnu w Roholnju zawróćensku seklu za busy twarić

Roholń (AK/SN). Gmejna Łaz da w swójskej zamołwitosći na kromje Roholnja (Riegel) tak mjenowanu zawróćensku seklu za busy twarić. To su gmejnscy radźićeljo na swojim zašłym posedźenju schwalili. Nadawk we wobjimje 85 000 eurow přepodachu twarskej firmje ze Židźinoho w gmejnje Halštrowska Hola.

Dotal wobsteji w Roholnju jenož prowizoriska zawróćenska sekla. Dowolnosć za nju Budyski krajnoradny zarjad kóžde lěto podlěša. „Pytamy hižo dołho za rozrisanjom“, rjekny twarski nawoda gmejny Wolfgang Tietze. Při wjacorych terminach na městnje su zastupjerjo wokrjesa, gmejny, policije a Regiobusa zwěsćili, zo njemóža dotalnu seklu dale wužiwać. Wona je přemała a předaloko zwonka wsy. Tak so na nowotwar dojednachu. Za spěchowanskimi móžnosćemi pytać pak bě ćežko. Skónčnje dóstachu wot krajneho zarjada za dróhotwar a wobchad pjenjezy přizwolene.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND