Twarnišću skónčnje božemje prajili

wutora, 07. junija 2022
artikl hódnoćić
(0 )
Ponowjene rumnosće „Šule Ćišinskeho“ w Pančicach-Kukowje móžachu sej zajimcy minjeny pjatk we wobłuku šulskeho swjedźenja wobhladać. Nowa awla pak bě jenož přez wočinjene durje widźeć.  Foto: Feliks Haza Ponowjene rumnosće „Šule Ćišinskeho“ w Pančicach-Kukowje móžachu sej zajimcy minjeny pjatk we wobłuku šulskeho swjedźenja wobhladać. Nowa awla pak bě jenož přez wočinjene durje widźeć. Foto: Feliks Haza

Pančicy-Kukow (SN/MWj). Mjeztym zo je so w Serbskej zakładnej „Šuli Ćišinskeho“ w minjenych měsacach z twarskimi dźěłaćerjemi a rjemjeslnikami jenož tak mjerwiło, knježeše minjeny pjatk popołdnju čiłe žiwjenje šulerjow kaž tež jich staršich a dźědow a wowkow. Po dwěmaj lětomaj přestawki móžeše kubłanišćo skónčnje zaso wulki šulski swjedźeń přewjesć.

Kaž nawodnica Jadwiga Čižankowa při witanju rjekny, wěnowachu wot spočatka šulskeho lěta planowany swjedźeń 30lětnemu wobstaću kubłanišća jako zakładna šula. Nimo toho so nětko symbolisce z twarnišćom rozžohnowachu, kotrež bě chowancow a wučerski kolegij wjele měsacow přewodźał a tež chětro poćežował. Tež rěčnik staršiskeje přirady Jan Ješka so šuli, gmejnje, staršim a njeličomnym pomocnikam dźakowaše, zo su to zhromadnje zmištrowali.

wozjewjene w: Lokalka

Galerija

dalši wobraz (1) Program šulskeho swjedźenja je rejwanska skupina sobu wuhotowała.
Prošu přizjewće so, chceće-li komentar podać

nawěšk

nowostki LND