Zajimawy přednošk wo noworjadowanju ležownosćow dožiwili
Njebjelčicy (JK/SN). Noworjadowanje ležownosćow je instrument integrowaneho wuwića na wsach, kotryž přeco potom zasadźuja, hdyž maja ležownosće we wulkim wobjimje znowa rjadować. Tak hodźi so wjele předewzaćow we wjesnych kónčinach jenož zwoprawdźić, hdyž je z tym tajke noworjadowanje zwjazane. Zdobom w tym zwisku tójšto inwesticijow, na přikład za wutwar infrastruktury zwoprawdźeja. Na tute wašnje spěchuje noworjadowanje ležownosćow kaž žadyn druhi instrument zaměram cyłkowneho wuwića wjesnych rumow.