Prócuja so wo dorost za šach

srjeda, 31. awgusta 2022
artikl hódnoćić
(0 )
Najmłódši hrajer turněra Tadej Locke (sedźo naprawo) dojědźe sej z Radebeula do Budyšina na šachowy turněr, zo by wot „stareho zajaca“ Dietera Gärtnera (stejo naprawo) wuknył. Foto: Werner Lindner Najmłódši hrajer turněra Tadej Locke (sedźo naprawo) dojědźe sej z Radebeula do Budyšina na šachowy turněr, zo by wot „stareho zajaca“ Dietera Gärtnera (stejo naprawo) wuknył. Foto: Werner Lindner

Budyšin (WL/SN). Na mjeztym hižo tradicionalnym šachowym turněrje we wobłuku dnja Hornjeje Łužicy šachoweho kluba Jednota Budyšin wobdźěli so minjenu sobotu w Budyskej Krónje 24 žonow, muži, dźěći a młodostnych. Wotpowědujo historiskemu zwjazkej šesćiměstow mjez Budyšinom, Zhorjelcom, Lubanjom, Lubijom, Kamjencom a Žitawu su tež lětsa zaso po Šwicarskim systemje w šěsć kołach šach hrali. Při tym kiwachu najlěpšim hrajerjam atraktiwne myta, mjenujcy stilizowane šachowe postawy krala, kralowny, konika a wěže. Přepodał je myta kaž hižo minjene lěta znaty Budyski šachowy hrajer Dieter Gärtner.

K dispoziciji stajene bu wšitko wot ­noweho Budyskeho wyšeho měšćanosty Karstena Vogta a Budyskeho zapósłanca Sakskeho krajneho sejma Marka Šimana (wobaj CDU), kotryž turněr hižo wot prěnjeje hodźiny sem přewodźa.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND