Klub swjeći z bajowej postawu

štwórtk, 27. julija 2023
artikl hódnoćić
(0 )
Klara Sandig, Nico Jurisch a Agnes Budar (wotlěwa) wjesela so na Black Mountain Party jutře a sobotu w Čornym Chołmcu.  Foto: Silke Richter Klara Sandig, Nico Jurisch a Agnes Budar (wotlěwa) wjesela so na Black Mountain Party jutře a sobotu w Čornym Chołmcu. Foto: Silke Richter

Za 3. Black Mountain Party sej Krabata jako hesło wupytali

Čorny Chołmc (SiR/SN). Na Kubicec hórce w Čornym Chołmcu su minjene dny třeću Black Mountain Party z połnej paru přihotowali. Do toho mjenowachu tele swjedźenje Highland Party. Mjeztym pak je we wjesnym młodźinskim klubje nowa generacija ceptar přewzała. „Loni smy dźesać nowych čłonow přiwzali, lětsa dotal pjeć dalšich młodostnych“, powěda Agnes Budar z nawodnistwa kluba. Stajnje po chodojtypalenju 30. apryla nowych čłonow do kluba oficialnje witaja.

Dorost je nětko na městnje dotalnych staršich čłonow towarstwa stupił a chce swójske ideje zwoprawdźić. Dalša čłonka předsydstwa Klara Sandig a předsyda Nico Jurisch pak přiznajetaj: „Do našeho časa su wotpowědnje hesłam swjedźenjow rjane wěcy natwarili, na přikład wulku łódź piratow. To w tutej formje jako towarstwo hižo njezdokonjamy.“ To pak njewoznamjenja, zo su swjedźenja nětko špatniše, wone so jenož trochu hinak přewjeduja. Hudźba, reje a wjeselo steja dale w srjedźišću.

wozjewjene w: Łužica
Prošu přizjewće so, chceće-li komentar podać

nowostki LND