Cyłkownje 18 towarstwow je so w zwisku z wubědźowanjom Leaderoweje kónčiny Hornjołužiska hola a haty „Podpěra regionalne dźěła“ wuznamjeniło. W swojej lětnjej seriji wěnuje so wječornik dobyćerjam a chce towarstwa a jich zaměry předstajić.
Młodźinske kluby su hustohdy rjap žiwjenja we wsy. Tak tež w Pančicach-Kukowje. Na mnohich zarjadowanjach w běhu lěta přinošuja čłonki a čłonojo towarstwa k čiłemu a aktiwnemu wjesnemu žiwjenju. Najznaćiše zarjadowanje młodostnych drje je bjezdwěla kóždolětne mejemjetanje, na kotrež móža kóždolětnje stotki ludźi na swjedźenišću w Kukowje witać.
