Pytaja za přičinami katastrofy w baroknej cyrkwi

póndźela, 07. awgusta 2023
artikl hódnoćić
(0 )
Pohlad do wupaleneje barokneje cyrkwje we Wulkich Rědorjecach (Großröhrsdorf). Woheń bě Boži dom w nocy na pjatk zničił.  Foto: Daniel Schäfer Pohlad do wupaleneje barokneje cyrkwje we Wulkich Rědorjecach (Großröhrsdorf). Woheń bě Boži dom w nocy na pjatk zničił. Foto: Daniel Schäfer

Wulke Rědorjecy (Großröhrsdorf) (SN/mb). Měšćanosta Stefan Schneider je wotućił, hdyž je wótře prasnyło, a dyrbješe „potom cyrkwi při wumrěću přihladować“. Wón běše tak na čuwy hotowy, zo interview z lokalnej telewiziju dokónčić njemóžeše. Hač do 108 wohnjowych wobornikow z dźesać woborow bě zasadźenych. Po zahubnym wohenju w nocy na zašły pjatk chcedźa wot dźensnišeho eksperća přičiny katastrofy wuslědźić. Někotři su drje na techniski defekt tukali, ale dotal ničo jasne njeje. Nic jenož wosada je šokowana, wšako bu krasna barokna cyrkej hakle njedawno (2012–2018) saněrowana. Tež Julian Nyča je „dospołnje poraženy“. Wón steješe pjatk rano před zničenej cyrkwju, „w kotrejž su dźesać generacijow mojich prjedownikow křćili a k rowu njesli.“ Wón wozjewi w socialnych syćach link na widejo, kotrež pokazuje, kajka běše cyrkej wotnutřka, prajo: „Ničo wot toho hižo njeeksistuje.“ Farar Stefan Schwarzenberg drje hišće njewě, kak dale póńdźe, ale wšě zarjadowanja wosady su zaručene – we wosadnicy. Krajny biskop Tobias Bilz do Wulkich Rědorjecow přichwatawši praješe: „Straty su hoberske.

wozjewjene w: Łužica
Prošu přizjewće so, chceće-li komentar podać

nowostki LND