Trjebin (AK/SN). Gmejna Trjebin je bjez dołha a financna wukonliwosć je stabilna, w přichodźe pak njehodźi so wona wěsće posudźić. Tole podšmórny komornica gmejny Trjebin Dana Piehl srjedu na posedźenju rady hladajo na etat 2024. ­Jara dobre su dotal dochody z přemysłoweho dawka. Cyłkownje je hižo 342 000 eurow dóšło. Zaplanowana suma hač do kónca lěta je 362 000 eurow. Z financneho wotličenja gmejny 30. junija wuńdźe nadbytk 440 000 eurow, rozprawja komornica dale. Najwažniša inwesticija je twar třěšneje hale, kotraž ma so w zwisku z rozšěrjenjom hospodarskeho dwora při Trjebinskim sportowym kompleksu natwarić.