Budyske studijo artistow swoje 50 lětne wobstaće woswjećiło

Hdźež so hewak skerje reje pokazuja, dožiwjachu zajimcy na rjanym pózdnim lětnim dnju jimacu artistiku. Studijo artistow w Budyšinje swjećeše spočatk septembra swoje 50. wobstaće. Z programom „Swěty sonow“ zakuzłachu artisća kóždeho přihladowarja. Přichwatali su hłownje wubědźowarjo zašłych lět kaž tež horliwi starši akterojo. Financny měšćanosta Budyšina dr. Robert Böhmer bě tohorunja přitomny a hódnoćeše młode talenty. Na jewišću stejachu 24 artistkow a młody artist. Henri Grosche, dźěłaše něhdy za jewišćom jako pomocnik. Před něšto časom pak wukubła so sam na artista. Hižo lěto nětko při programje sobu skutkuje. Nawoda studija Hagen Kellner je měnjenja, zo bychu dalši młodźi mužojo studijej artistow tyli a přeje sej wjace muskich čłonow. Tuž hólcy a mužojo, zwěrće sej!