Nowe Město (AK/SN). Rozšěrjenje Sprjewineje dróhi mjez Hamorom a Čornej Pumpu we wobłuku druheho twarskeho wotrězka je najprjedy raz přetorhnjene. Zarjadniske sudnistwo Drježdźany bě hižo 12. junija z wusudom wobzamknjenje k zwěsćenju plana za nowo- a wutwar dróhi zběhnyło. Potrjecheny je něhdźe 5,2 kilometraj dołhi dźěl blisko Sprjejc. K njemu słuša mjez druhim tež twar 500 metrow dołheho mosta přez Sprjewinu łučinu. Skoržili běchu třo wobsedźerjo ležownosćow a Zwjazk za wobswět a škit přirody (BUND).