Kliesch wotstupił
Snadne wuslědki při volleyballu
Po zwučenym wašnju běchu sej volleyballisća Chróšćanskeje SJ někotre serbske mustwa na mjeztym 13. Mikławšowy volleyballowy turněr do „Jednoty“ přeprosyli. Hry při wysokim saku běchu dosć wurunane a tuž napjate. Na wulkim hrajnišću hraješe kóždy přećiwo kóždemu stajnje sydom mjeńšin. Napjatosć wotbłyšćuje snadny rozdźěl w dypkach kónčneje tabulki. Jako wusahowace wubědźi sej mustwo abiturneho lětnika 12/96 prěnje městno. Na dalšimaj slědowaštej cyłkaj z Radworja a Worklec. Jenož diferenca małych dypkow rozsudźi tu wo zaměstnjenju. Hišće snadniši rozdźěl mějachmy w boju wo 4. a 5. městno. Tu přesadźi so mustwo z Kulowa ze 66:64 małymi dypkami porno Chróšćanam z 65:63 małymi dypkami. Na 6. městnje je turněr lětsa mustwo Serbskeho gymnazija Budyšin zakónčiło.
Po napinacym sporće dachu sportowče a sportowcy wječor při horcym winje, šmałcowej pomazce a bjesadźe wuklinčeć. Dalši volleyballowy turněr za runje mjenowane mustwa budźe klětu kónc januara pola Žołto-módrych w Kulowje. Marian Korjeńk
Kónčna tabulka
1. Mustwo 12/96 8 : 2 63 : 51
2. Radwor 6 : 4 70 : 57
3. Worklecy 6 : 4 61 : 66
4. Kulow 4 : 6 66 : 64
5. Chrósćicy 4 : 6 65 : 63
Wuslědki (12.12.16)
Regionalna koparska liga
Budyšin – Meuselwitz 0:1 (0:1)
Choćebuz – Neugersdorf 3:1 (2:0)
Berlin – Lipsk II3:5 (1:3)
Hertha II – Lipsk1:2 (0:2)
1. FC Carl Zeiss Jena 17 33 : 6 42
2. Energija Choćebuz 17 27 : 9 35
3. Berlinski AK 17 30 : 21 33
4. RB Lipsk II 17 26 : 21 29
5. FC Viktoria Berlin 17 33 : 21 28
6. SV Babelsberg 03 17 30 : 24 28
7. BFC Dynamo 17 30 : 19 26
8. Lok Lipsk 17 25 : 23 26
9. Hertha BSC II 16 21 : 21 25
10. FC HŁ Neugersdorf 16 22 : 15 23
11. Wacker Nordhausen 16 24 : 23 23
12. FC Schönberg 17 27 : 31 22
13. Meuselwitz 17 13 : 16 18
14. AfB Auerbach 17 18 : 32 17
15. Union Fürstenwalde 17 14 : 32 12
16. Budissa Budyšin 17 15 : 26 11
17. Luckenwalde 16 12 : 29 11
18. TSG Neustrelitz 17 15 : 46 4
Sport (09.12.16)
Halowa sezona zahajena
Budissa Budyšin zahaji jutře halowu koparsku sezonu w sportowni Daimleroweje wyšeje šule z turněromaj młodźiny F. Hrać budu tam wot 9 hodź. a wot 14 hodź. Njedźelu budźe w 14.30 hodź. w samsnej hali turněr młodźiny E, a póndźelu hraja wot 18 hodź. sponsorojo. Cyłkownje zarjaduje Budissa nětko w zymje 17 turněrow. Najwjetšej budźetej 27. decembra/SZ-cup a 6. januara/Landskron-cup.
Blidotenisowy wječor
Blidotenisća DJK Konjecy přewjedu 27. decembra na swojej wjesnej žurli zaso wječor za wólnočasnych blidotenistow. Wot 17 hodź. změja wjacore zelene blida spřihotowane, za kotrymiž so dźěći wubědźuja. W 19 hodź. přewjedu dorosćeni swój turněr.
Wulět z hórskimi kolesami
Kamjenski wobchod Bikehouse poskići wšitkim zajimcam njedźelu wulět z hórskimi kolesami-mountainbikami. Woni zetkaja so w 10 hodź. při Bikehousu. Jězbu zakónča něhdźe dwě hodźinje pozdźišo na samsnym městnje.
Volleyballowe popołdnjo
Basketballisća SGB wuspěšni
W Radworju dobychu basketballisća Serbskeho gymnazija Budyšin (SGB) regionalne finale w starobnej klasy II a docpěchu druhi raz kónčne krajne wurisanje „Młodźina trenuje za olympiju“.
Hižo prěnja hra na turněrje štyrjoch šulow wuchodneje Sakskeje je wo złotej medali rozsudźiła. Přećiwo hólcam Schilleroweho gymnazija běchu basketballisća SGB nerwoznje a njekoncentrowanje startowali. Tak ležachu k połčasej z dypkomaj w zastatku. Štož pak po tym slědowaše, je wulkeje chwalby hódne. Dokładne přihrawki, spěšne kontery a přemyslene wotzamknjenja ćisnjenja do koša wjedźechu ke kónčnemu 23:14. Hrajerjo wokoło kapitana Pětra Dźisławka běchu jara motiwowani a njedachu w dalšimaj partijomaj sportowej konkurency žanu šansu na dobyće. Najprjedy přesadźichu so přećiwo Wyšej šuli Ludwiga Richtera Radeberg z 43:13, pozdźišo porazychu Parkowu wyšu šulu Žitawa z 21:8.
Koparjow Dynama pohonjowali
Su sej wěsći, zo wostanu w krajnej klasy
Kaž bu hižo pisane, ma prěnje koparske mustwo Chróšćanskeje SJ (SJC) zymsku přestawku. Po prěnjej połseriji w krajnej klasy, stafla wuchod móže so tuž mały rezimej sćahnyć.
Wuslědki (07.12.16)
Krajna koparska klasa
Drježdźany – Weixdorf 1:1 (1:0)
1. Radebeulski BC 12 28 : 9 33
2. FC Neugersdorf II 12 33 : 13 25
3. Laubegast 12 30 : 17 25
4. Čerwje.-běli Mužakow 12 29 : 19 23
5. SZ Horni kraj Sprjewja 12 32 : 26 17
6. SG Weixdorf 12 23 : 22 17
7. FSV Nowosólc-Hródk 12 22 : 24 17
8. Drježdźanski SC 12 23 : 23 14
9. No. Město n. Sprjewju 12 19 : 25 14
10. Fortuna Trjebin 12 20 : 36 13
11. SJ Chrósćicy 12 18 : 23 12
12. Zschachwitz 12 21 : 37 9
13. Biskopičanske KT II 12 12 : 36 5
wokrjesna liga, stafla I
Malešecy – Budyšin II 4:2 (4:0)
1. Horni kraj-Sprjewja II 13 59 : 17 34
2. Traktor Malešecy 12 44 : 14 29
3. FV Concordia Załom 13 39 : 20 23
4. ST Budyšin 13 42 : 14 22
5. TSV Wjernarjecy 12 30 : 22 21
6. ST Porchow 12 20 : 15 20
7. Wulka Dub./Minakał 13 30 : 27 19
8. Germania Budyšin II 13 30 : 32 17
9. ST Hodźij 13 25 : 39 17
10. Postup Großharthau 13 34 : 31 16
11. ST Kubšicy 12 21 : 23 15
12. TSV 90 Wjazońca 13 18 : 51 10
13. ST Wjelećin II 13 19 : 56 7
14. HZ Wóspork/Hbjelsk II 13 14 : 64 2
Viktoria na třećim městnje
Prěnja połserija volleyballoweje wobwodneje ligi mužow zakónčena
Wosom hrow sezony je hratych, to je połojca. Čas tuž za krótki mjezyfacit. Zasłužbny nazymski mišter je mustwo JTVG Fitnes Koblicy, zestupnik ze sakskeje klasy. Kobličenjo su přerěznje najlěpši wukon pokazali. Wulka chwalba tež młodym volleyballistam OSC Lubija. Woni su kaž Kobličenjo sydom razow dobyli a jenož přećiwo Worklecam přěhrali. Na třećim městnje, a tak tež hišće na wirtuelnym podesće, steja „młodźi dźiwi“ Viktorije Worklecy. To je za małe towarstwo, kotrež bě chětro derje do sezony startowało, česćehódne. Prěnja hra we Wojerecach bě z jasnym 3:0 wulki wuspěch. Slědowaše domjacy hrajny dźeń w Ralbičanskej sportowni přećiwo volleyballistam z Mittelherwigsdorfa a z Běłeje Wody. Z wulkej hrajnej wjesołosću Worklečenjo wobě hrě znowa z 3:0 dobychu a stejachu na čole tabulki. Tutu poziciju zakitowachu w Kundraćicach, hdźež běchu z 3:2 tola hišće wuspěšni. Na druhim domjacym hrajnym dnju pak so problemy započachu. Přećiwnik OSC Lubij běše twjerdy worjech.
Skónčnje tři dypki žnjeli
BFC Dynamo
– Budissa Budyšin 1:2 (1:1)
Zestawa hosći: Wohlfeld – Patka (46. Kloß), Heppner, Kolan, Klippel, Pfanne, Baudis, Müller, Hänsch (76. Hermann), Němec, Barth (90.+2 Barnickel)
Sobotu podachu so koparjo Budissy na ćežku hru do Berlina k BFC Dynamu. Trenarjej Reimundej Linkertej pak pobrachowachu hnydom wjacori zranjeni hrajerjo a jedyn, dokelž dyrbješe přestawku žołto-čerwjeneje karty dla zapołožić. To njeběchu potajkim optimalne wuměnjenja za wuspěch.
