Sprawny remis
SC 1911 Großröhrsdorf
– SJ Chrósćicy 2:2 (0:2)
Zestawa hosći: Králíček – Pöpel, Šiman, Šafář, Schulze, Šmit (65. Šołta), Runt, M. Zahrodnik, Młynk (80. Dehn), Žur, Bogusz (77. Budar)
Do hry sej Chróšćanscy koparjo prajichu, zo móhli z dypkom pola sylneho cyłka w Großröhrsdorfje spokojom być. Přiwšěm woni po hrě tak prawje njewědźachu, hač dyrbja so wjeselić abo mjerzać. Hač do połčasa běžeše wšitko po planje. Defensiwa wěsće steješe a jenož mało dowoli. W ofensiwje staraštaj so wosebje Šmit a Runt wo wulkotne přihrawki. Tak padny po 21 mjeńšinach zasłužene nawjedowanje. Šmit pósła Bogusza do šěsnatki, Bogusz wotpołoži bul před wrotarjom Młynkej, kiž jón zaso prěki k Šmitej suny. A jeho wótru třělwu njezamó wrotar wotwobarać. Jenož krótko na to doběža sej Žur wuběrnu přihrawku sylneho Šmita a hraješe prěki před wrota k Boguszej, kiž trjechi k 2:0 wěsće do saka (29.). Na stronje domjacych so ničo naspomnjenjahódneho njesta. Krótko do přestawki měješe Žur hižo třeće wrota na noze. W duelu přećiwo wrotarjej pak wosta přěhračk.
Marijine hwězdźički so top prezentowali
Volleyballowej žonjacej zastupnistwje ST Marijineje hwězdy a dźiwje micki z Worklec přewjedźechu sobotu serbski derby w Pančičanskej sportowej hali.
Worklečanki parowachu nažel někotre stajne hrajerki, štož so widźomnje na kwalitu wukona wuskutkowa. Domjace móžachu z połneho čerpać, třeće zastupnistwo pak tójšto dorosta w swojich rjadach prezentowaše.
ST Marijina hwězda II – ST Marijina hwězda III 2:0 (25:19, 25:16)
Trenarka Daniela Kralec bě swoje chowanče derje na hrajnu dobu přihotowała. Marijina hwězda II spjelni wšitke wočakowanja a so přećiwo třećemu zastupnistwu Pančic-Kukowa jasnje přesadźi. Z dobyćom wutwori sej dobre wuchadźišćo za dalšej hrě dnja.
ST Marijina hwězda II – Viktoria Worklecy 2:0 (25:22, 25:20)
Z dobyćom a poražku
Spočatk nowembra zahaji so w Barće 26. sezona w mixvolleyballu na hobbyjowej runinje. Prěni raz wobdźěleja so nětko tež Barćenjo na dypkowych hrach.
Budyskej FSG zešlachći so optimalny start, a to přećiwo měšanemu mustwu z Chróstawy. Přez strašne nadaća Johna Petrika a Pětra Blümela nawjedowaše FSG w prěnjej sadźbje jasnje z 13:7. Tola kwalita přijimanjow nadaćow so tak pohubjeńši, zo dosahaše na kóncu jenož k snadnemu 25:23. W druhim přechodźe widźachu přihladowarjo hač k 20:20 wurunanu partiju. Po 15 mjeńšinach hrajneho časa juskachu Chróstawčenjo, přesadźiwši so z 25:21. Slědowaše rozsudna sadźba, w kotrejž běchu FSGnicy stajnje w zastatku. Při stawje 9:13 wupadaše za jasnej poražku, ze sylnym kónčnym spurtom pak hišće na 14:14 wurunachu. W tutej napjatej fazy njeměješe amtěrowacy wicemišter trěbne zbožo, zo přichodnej dypkaj woteda a tak hru z 1:2 přěhra. Chróstawscy sportowcy běchu w lěće 2008 hižo raz wokrjesny mišter, hrajachu po tym sydom lět na wobwodnej runinje a po rozpadźe činja to nětko zaso pola mixvolleyballistow.
Widźał, słyšał, napisał (09.11.15)
We wobłuku njedawneho wuhódnoćenja a mytowanja lětušeje hornjołužiskeje rjadneje lisćiny Wopačanski cup běharjow, přewjedźechu w Biskopicach do toho druhi króć wosebity běh ze zadźěwkami po tamnišim sportowym arealu a w měšćanskim lěsu. Na štyri kilometry dołhim kołokursu z 15 zadźěwkami wubědźowaše so nimale 200 atletow, mjez nimi tež někotři Sebja. Běharjo měrjachu spěšnosć, wutrajnosć a wosebje tež wušiknosć na štyrjoch abo samo wosom kilometrach. Na 8 km dyrbjachu kołokurs dwójce zmištrować – potajkim z cyłkownje 30 zadźěwkami. Tam je so 25lětny Jakub Čórlich z Němcow sobu wubědźował, a to samo wurjadnje. Wón ćežke wurisanje w spěšnych 31:22 minutach suwerenje doby, za čož jeho wosebje počesćichu. Hesło běha rěkaše „Schiebock läuft Extrem!“.
Wuslědki (09.11.15)
Wokrjesna wyša koparska liga
Bukecy – Kinspork2:2 (2:1)
Großröhrsdorf – Chrósćicy 2:2 (0:2)
Póst Budyšin – Wjelećin 8:1 (4:0)
Połčnica – Hory0:3 (0:2)
Hnašecy – Wachau7:1 (4:1)
Kumwałd – ST Ćisk6:1 (4:1)
Łuty – Rakecy0:4 (0:0)
Ralbicy/Hórki – Kulow 2:0 (1:0)
1. Chrósćicy 12 29 : 6 32
2. Hory 11 37 : 8 26
3. Kumwałd 11 32 : 14 23
4. Hnašecy 11 27 : 13 20
5. Ralbicy/Hórki 11 25 : 11 19
6. Rakecy 12 23 : 17 19
7. ST Ćisk 11 25 : 22 19
8. Großröhrsdorf 12 20 : 24 19
9. Póst Budyšin 12 28 : 27 16
10. Ramnow 12 25 : 25 16
11. Połčnica 12 20 : 19 13
12. Kinspork 12 19 : 26 12
13. Kulow 11 16 : 20 9
14. Bukecy 11 12 : 27 8
15. Wjelećin 11 16 : 37 7
16. Łuty 11 10 : 40 7
17. Wachau 11 15 : 43 4
Sport (06.11.15)
Sudnik Meyer přednošuje
Wšitcy sudnicy Zapadołužiskeho koparskeho zwjazka a zamołwići za wobkedźbowanje sudnikow su srjedu, 11. nowembra, do Budyšinka přeprošeni. We 18 hodź. přewjedu tam 3. wukubłanske zarjadowanje w hrajnej dobje 2015/2016. Přednošować budźe Florian Meyer, sudnik zwjazkoweje koparskeje ligi.
Wjacore derbyje volleyballa
W Pančičanskej sportowni budu jutře, sobotu, hnydom wjacore volleyballowe derbyje wokrjesneje klasy žonow. Wot 10 hodź. hraja tam w hodźinskim takće Marijina hwězda II – Marijina hwězda III, Viktoria Worklecy – Marijina hwězda II, Marijina hwězda III – Viktoria Worklecy a hišće raz Marijina hwězda III – Marijina hwězda II. Naposledk mjenowana partija budźe zdobom wróćohra.
Prěni hrajny dźeń
Jutře, sobotu, wotměje so we Wojerowskej VBH-arenje na hasy Lieselotty Hermann prěni hrajny dźeń we volleyballowej wokrjesnej klasy muži – stafla sewjer. Mustwo Viktorije Worklecy II nastupi tři razy, a to přećiwo OSSV Kamjencej, Módro-běłym Wojerecy IV a Módro-běłym Wojerecy V.
Za turněr so přizjewić
Za turněr so přizjewić
Srjedź oktobra je Serbski Sokoł w SN a na swojich internetnych stronach wupisanje za 34. sokołski volleyballowy turněr wo pokal Domowiny wozjewił. Prěnje mustwa su so hižo přizjewili. Přizjewjenski čas zakónči so 31.decembra 2015. SN
Knihu europeady sej skazać
Hižo wjacore měsacy dźěłaja zamołwići Zapadołužiskeho koparskeho zwjazka, FUEN, Domowiny a Serbskeho Sokoła na wobrazowej knize „Europeada 2012“. Zhotowjenje 300 stron tołsteho wudaća je nětko w kónčnej fazy. Wobrazowa kniha ma hišće do hód wuńć a budźe 20 do 40 eurow płaćić. To wotwisuje wot nakłada. Čim wjace skazankow, ćim tuńša publikacija je! Napisajće nam prošu hač do 14. nowembra mail pod , kelko eksemplarow byšće rady kupił/a. Kniha budźe jara pisana, a změje jenož jedyn nakład! SN
Čerstwy wětřik w Hornim kraju
Zo steji FC Łužica Neugersdorf, postupnik do regionalneje ligi-sewjerowuchod, po 13. hrajnym dnju z 25 dypkami w načolnej skupinje tabulki, je wulka překwapjenka. Jědnaty hrajny dźeń bě FC Łužica samo načolnik.
Wuslědki (05.11.15)
Krajna koparska klasa
Drježdźany-Strěžin – Mužakow 2:3 (1:2)
Drježdźanski SC – Radebeul 0:1 (0:1)
Zschachwitz – Póst Drježdźany 5:2 (1:1)
Niska – Nowe Město1:1 (1:1)
Budestecy – Budissa Budyšin II 0:3 (0:3)
Trjebin – Laubegast2:3 (0:2)
Biskopicy II – Nowosólc/Hródk 4:0 (3:0)
1. Niska 9 20 : 9 20
2. Mužakow 9 30 : 15 19
3. Budissa Budyšin II 9 20 : 12 18
4. Trjebin 9 21 : 14 17
5. Laubegast 9 20 : 11 16
6. Biskopicy II 9 22 : 14 16
7. Zschachwitz 9 21 : 15 15
8. Radebeul 9 8 : 8 14
9. Nowe Město 9 16 : 20 12
10. Nowosólc/Hródk 10 13 : 22 9
11. Drježdźanski SC 9 14 : 18 8
12. Póst Drježdźany 9 12 : 30 5
13. Drježdźany-Strěžin 9 9 : 21 4
14. Budestecy 8 9 : 26 4
Quo vadis přihladowarjo?
Přeco, hdyž Marijine hwězdźički doma hraja, su tež volleyballisća Viktorije Worklecy hosćićel – a to w samsnym času. Próstwy, tole změnić, zamołwići dotal njewusłyšachu. Tak so potencielny přihladowar kóždy raz praša, hač sej w Pančicach-Kukowje rjane holiča wobhlada abo radšo Worklečanskich mužow pohonja.
Marijine hwězdźički, zastupjerki wobwodneje volleyballoweje ligi, witachu tuž na třeći hrajny dźeń z mustwomaj ST Kupoj/Nowa Łuka a VV Žitawa 09 II minjenu sobotu w Pančičansko-Kukowskej sportowej hali jenož horstku přihladowarjow. Žitawske mustwo bě Pančanki hižo w pokalnym předkole zeznało a porazyło. Kupoj/Nowa Łuka jako třeći minjeneje hrajneje doby zdaše so skerje twjerdy worjech. Hač su sej Marijine hwězdźički na nim zuby wukusali, pokaza prěnja partija dnja.
ST Kupoj/Nowa łuka – ST Marijina hwězda 3:1 (21:25,25:10,25:22,25:13)
