Wětřikojty test w Budyskim Humboldtowym haju

srjeda, 09. februara 2022
artikl hódnoćić
(0 )
Wrotar Sokoła Ralbicy/Hórki Jurij Bjeńš (naprawo, Ralbicy) je so při nadběhu młodźiny A Budissy Budyšin z wrotow podał. Po „wulěće“ nastachu třeće wrota za hosćićela.  Foto: Konstantin Hrjehor Wrotar Sokoła Ralbicy/Hórki Jurij Bjeńš (naprawo, Ralbicy) je so při nadběhu młodźiny A Budissy Budyšin z wrotow podał. Po „wulěće“ nastachu třeće wrota za hosćićela. Foto: Konstantin Hrjehor

FSV Budissa Budyšin młodźina A –

Sokoł Ralbicy/Hórki 3:2 (0:1)

Poslednju dypkowu hru běchu Sokoljo loni 7. nowembra w Biskopicach přewjedli. Po tym dyrbjachu, kaž wšitcy druzy, znowa přestawku zapołožić. Po 13 tydźenjach čakanja móžachu Ralbičanscy Sokoljo skónčnje zaso wonka hrać. K přećelskej hrě do Budyšina přeprosył bě trenar młodźiny A Budissy Tomaš Henčl.

Młody cyłk hižo dlěje wonka trenuje a běše wočiwidnje derje zahraty. Tuž hosćićelej tež prěnja šansa słušeše. Poněčim so Sokoljo lěpje do hry namakachu a móžachu sami prěnje strašne akcenty sadźeć. We 8. min. wrotar z hłowu překrótko wotwobara. Lesćiwje zběhnjeny bul pak hišće raz přizemi a wyše łaty skoči. Mjenowana łata běše tež na puću, jako hłójčkowany bul po róžku Ralbičanow do njeje dyri. W 17. min. pak běše tak daloko. Rjany nadběh skići so přez lěwe křidło a niska přihrawka so přetwori. Jónu mějachu Sokoljo wulke zbožo, jako jich łata wuchowa. Domjacy mějachu z mócnym wětřikom w chribjeće wjace wot hry, tola ličomneho ničo njewuskoči.

wozjewjene w: Sport
Prošu přizjewće so, chceće-li komentar podać

Serbska debata

nowostki LND