W sankowanju a Nordiskej kombinaciji najlěpši

štwórtk, 10. februara 2022
artikl hódnoćić
(0 )
Vinzenz Geiger je sej złotu medalju zdobył. Foto: dpa/AP/ Yosuke Hayasaka Vinzenz Geiger je sej złotu medalju zdobył. Foto: dpa/AP/ Yosuke Hayasaka

Medaljowy špihel

Staw po 42 rozsudach:

   z s b

1. Norwegska   5 3 4

2. Němska  5 3 0

3. Awstriska  4 4 4

4. Šwedska  4 1 2

5. USA    3 5 1

6. Nižozemska   3 3 1

7. China   3 2 0

8. Italska  2 4 2

9. Ruski OC  2 3 6

10. Słowjenska   2 1 2


Peking (JBo/SN). Po sylnym wukonje žonow w spěšnosankowanju jednotliwcow su so wčera tež němscy mužojo w sankowej dwójce wopokazać móhli. Dwójka Tobias Wendl/Tobias Arlt wubědźi sej złoto a teamowaj kolegaj Toni Eggert/Sascha Benecken z wotstawkom snadnych 0,099 sekundow slěbro. Awstričanaj Thomas Steu a Lorenz Koller běštaj sej bronzu zdobyłoj. Z dobyćom běštaj Bayerčanaj Wendl a Arlt němskemu mustwu zdobom hižo pjatu złotu medalju na lětušich olympiskich hrach zawěsćiłoj. Štwórtu z tutych pjeć dósta wčera Vinzenz Geiger – olympiski dobyćer w nordiskej kombinaciji. Po skakanju z normalneho skakanišća bě 24lětny hišće jědnaty. Tónle zastatk pak zamó wón w dźesaćkilometrowym sněhakowanju suwerenje nachwatać. W fulminantnym finalu přesćahny wón kontrahenta Joergena Graabaka z Norwegskeje. Teamowy kolega Johannes Rydzek, kotryž běše dlěši čas nawjedował, zakónči napjaty běh na pjatym městnje.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND