Plany Dynama Drježdźany

póndźela, 03. julija 2023
artikl hódnoćić
(1 )
Wyši ligist Budissa Budyšin a třeći ligist Dynamo Drježdźany zetkaštej so před 2 700 přihladowarjemi sobotu popołdnju w Budyskim stadionje Młynkec łuka. Faworizowani hosćo z krajneje stolicy pak chětro dołho trjebachu, zo by so jim wuspěch poradźił. We wrotach Budissy pokaza mjenujcy wrotar Mikolaj Gorzelanski w prěnim połčasu njewšědnje sylny wukon. Na kóncu dobychu hosćo ze 6:0. Wrota trjechichu: Stefan Kutschke (45.+3), Tony Menzel (49.9, Manuel Schäffler (55., 81., 83.) a Panagiotis Vlachodimos (66.). Foto: Jörg Stephan Wyši ligist Budissa Budyšin a třeći ligist Dynamo Drježdźany zetkaštej so před 2 700 přihladowarjemi sobotu popołdnju w Budyskim stadionje Młynkec łuka. Faworizowani hosćo z krajneje stolicy pak chětro dołho trjebachu, zo by so jim wuspěch poradźił. We wrotach Budissy pokaza mjenujcy wrotar Mikolaj Gorzelanski w prěnim połčasu njewšědnje sylny wukon. Na kóncu dobychu hosćo ze 6:0. Wrota trjechichu: Stefan Kutschke (45.+3), Tony Menzel (49.9, Manuel Schäffler (55., 81., 83.) a Panagiotis Vlachodimos (66.). Foto: Jörg Stephan

Třeći ligist Dynamo Drježdźany bě srjedu, 21. Junija, z prěnim treningom do sezony 2023/24 startował. Ale bjez wupožčeneho Ahmeta Arslana. Dokelž njebě SJ Drježdźany takrjec připrajenu kupowansku opciju sćahnyła, bě najlěpši třělc minjeneje hrajneje doby (25 wrotow) wróćo k Holsteinej Kiel přešoł a mjeztym k druhemu zwjazkowemu ligistej, 1. FC Magdeburg, změnił. Wěste je tež hižo, zo změje něhdyši kapitan Dynamowćanow Tim Knipping, z ligowym konkurentom w Sandhausenje nowe sportowe towarstwo. Tež Sven Müller (wrotar) změni mustwo. Jako nowy třeći wrotar postupi za to 18lětny Erik Herrmann. Wón je 1,97 metrow wulki a přińdźe wot U19 mustwa k profijam. 19lětny Julius Hoffmann, kotryž njeje ani jeničku hru za Saksow absolwował, bu do Babelsberga wupožčeny. Drježdźanskemu cyłkej přizamknył bě so Tobias Kraulich (zaki­towar) wot ST Meppen. Wón podpisa jednolětne­ zrěčenje při Łobju. Něhdyši hrajer Karlsruheskeho SC Lucas Cueto (wonkowny nadběhowar) chce w Drježdźanach znowa přestartować. Změna 27lětneho do Drježdźan je perfektna.

wozjewjene w: Sport
Prošu přizjewće so, chceće-li komentar podać

Serbska debata

nowostki LND